(Ende 1403?)

397

Wor wy aver unsser gutliken bede, rechtes irbedinge, scrifte, clage, muntlike sproke, unde juwer berichtinge hyr ane nicht gerieten en konden, mosten wy mit todaet unde hulpe unsser heren unde frunde darto dencken, dat wy alsulker yaghinge, de uns van juwen dener boven unsse hogen vorbedinge dagelix wente in juwe stad mit swaren kosten unde reisen overdadigen unde gewaltliken schuet, unbesorget unde der enthaven mochten wesen. Unde wes desses alle gescheen mach edder nicht unde juwer hyr ane geneten mögen, begeren wy juwe richtige unde unvortogerde scriftlike antword by dessen unssen boden, dar wy uns na hebben unde richten moghen. Syd gode bevolen. Screven am . . .

*) Nach dem Concept auf Papier in Trese Z, mit der gleichzeitigen Aufschrift: Copia litere ad consulatum Lubicensem missa propter respoiieum adliabendum. Im Jahre 1403 fand auf Nicolaitag eine Hanseversammlung in Lübeck statt, s. Koppmann, Hanserecesse Y Nr. 158.

Nr. 309.

Sechs Rathsherren bezeugen einen Meierbrief der beiden Beginenhüuser über ein Gut in St. Jürgen. 18. Januar 1404. ^

Wy Dyderik van dem Werve, Hinrik Duckel, Johan Hemelingh, Claws Groningh, Frederik Wiggher unde Johan Bolleer, radmanne to Bremen, weren dar jeghenwardicli, dat van bej^den baghynen hus, ute jeweliken hus twe juncvrowen, den dat bevalen was, bekanden myt ereme Vormunden Johanne Oldewaghene, de ze do to tyden darto koren tho Vormundes rechte, dat se Curde Herken unde Ghereken deme Witten, zynem swagher hedden ghedän unde deden ok do jeghenwardicli ere ghud, dat gheleghen is to sunte Juriene by der zydwenninghe, unde nu to tyden buwet unde uppe wonet de vorscr. Curd unde Ghereke, unde schullen en van deme ghude gheven alle jar twe amber botteren, en half amber an dem ghuden donredaghe, en half amber in den pinxtdaghen, en half amber to sunte Jacobesdaghe unde en half amber to unser vrowen daghe, alze se gheborn ward. Ok bekanden de vorscr. Curd unde Ghereke, wanne er en des anderen vordrut, de mach eme upsegghen in den twelf nachten to wynachten, zo schullen de vorbenompde Curd unde Ghereke to dem neghesten sunte Peters daghe darna ere hus unde buw, de se uppe der were hebbet, enwech breken unde mede entwyken sunder jenigherleye weddersprake unde anclaghe uppe dat vorscrevene ghud. Tho ener betughinge desser vorscr. bekantnisse,