1399. Juni 15.

309

Langwedele bynnen desser tyd, dat unse bereu van Luneborch den innebad hebben, jenych schade gesehen, wo men den benomen mochte, dat schal stan uppe beseggent unses heren van Bremen und unses heren hertogen Hinrikes. Wes aver der man- schop und by namen hern Johanne dem Cluvere und den oren in dem stichte van Bremen van dem sulven slote und dar wedder to to schaden gesehen is, dar schullet de heren van Luneborch on umme antwerden und in vruntschop eder in rechte doen, wes se darumme plichtich syn. Und des gelik schullet se unsen heren van Luneborch und den oren weder doen. Und darumme schal unse here van Bremen unse heren van Luneborch by den bundbreven, de se tosammede gelovet und ge- sworen hebbet, nicht manen und en schal to oren eden nicht stan. Vortmer is gedegedinget umme Bodenborch, dat unse here van Bremen schal to syk nemen twe ute dem capittel van Verden, alse hern Hinrik Stafhorste und hern Erpe van Luneberge, twe ute der manschop, alse Frederik van Tzarnhusen und Johanne van Honhorst anders geheten Duvel, und schullet unsen heren van Luneborch und den oren in orem breve vorwaringe doen, dat nie se und de ore, de van Verden und de ore, alle de wile se Bodenborch sammetliken innehedden, van Bodenborch noch dar weder to nenewys beschedigen en schal. Schege yd aver unwitliken, dat schal men wytliken weder doen eder dat richten na utwysinge der bundbreve. Dessulven gelik schullet unse heren van Luneborch on vorwaringe weder doen an Bodenborch und synen tobehoringen. Vortmer umme schelinge twisschen heren Ortghize Clenckoke und den van Bordeslo schullet se uppe eynen dach komen, de wesen schal nu am negesten mydweken vort over achte dagen to vormyddage to der Konenbrugge, dar schal over eyn dem andern doen, a ) wes he em van eren uud van rechtes weghen plichtich sy und na utwysinge der bundbreve. An wem des enbreke, dem schullet de heren sammetliken volgen na utwisinge der bundbreve, de se under andern gelovet und gesworen hebbet. Und de dage schullet se myt oren vrunden hir beyder- zyd vorwyssnen. Und to dem dage und dar weder van schullet unse heren van Luneboch unsen heren van Bremen und de syne vor Staciese van Mandeslo, vor Heyneken van Monichusen und den oren in velicheyt vorwaren. Ok schal men Bertolde van Honhorst und de syne by dem oren und in aller rechticheyt laten to Bodenborch und wor he yd anders lieft. Und wes he unsem heren van Bremen und hern Hinrike van Stafhorste van rechtes wegene plichtich is, dat schal he on doen, und des gelik schullet se em weder doen na beseggende unses heren van Luneborch hertogen Hinrikes. Und hirmede schal alle twydracht und Unwille, de van des vorscrevenen Langwedels wegene twysschen dessen vorscrevenen heren und den oren gewest is, vruntliken gerichtet und bilecht wesen. Und wy her Otte van godes gnaden

a ) doen fehlt im Orig.