1390. November 25.

161

darna graven. Wurde ok vurdere schele umme den graven, dat schal to uns komen, wo wy dat schedet, dar schal id hy bliven. Unde uppe dat desse grave to ewighen tyden blive zo wyd unde zo deep, alze hee nu begrepen is, so scholet alle jar de sworen des landes, wanner ze to zunte Peters daghe tosweren, dat in den hilghen sweren, dat ze den graven van anbeghyn wente in dat ende alzo dicke schowen scholet, alze ze de dyke schowet by der Ochtmunde. Unde den broke, den ze nemet van der Ochtmunde dyke, den scholet ze ok nemen van al den ghenen, de ere anschot an den graven nicht en holden alzo deep unde alzo wyd, alzo hir vorscreven steyt, unde dar en scholet ze yo nene gnade ane doen. Wurde wy aver des to rade, dat men den vorscrevenen graven widen offte deepen scholde, zo scholde me yd holden in al der wyse, alze hir vorscreven steyt. Worden ok yeneghe vorde in der Ochtmunde, den me begraven edder bepalen scholde, dar schal dat gantze Vylant menliken to helpen. Were ok, yernen dessen vorscrevenen graven yerghene todikede edder overbrugghede, dar dem Vylande schade van queme, des ghennen lyü' unde ghud schal staen in des landes wolt. Vortmer de van den Nyenlande scholet waren den Helmighes dam, alze een olt zede ghewezen hefft. Unde den torn to Arsten den scholet vorwaren laten de van Arsten, de van Habenhusen, de van Alleken unde de halven Ledenzere. Unde den torn to den Cattenesche scholet vorwaren de halven Ledensere, de Woltmershuzere, de Radbringhusere, de Lauken- novere unde de Sehusere. Unde den torn to der "Warebrughen den scholet vorwaren de van den Stelle, de van Malswerden, de van den Hardenstrome unde de van Buren. Unde we de torne vorwaret, de schal de weghe vor den torne ok maken, alze vere alzo ze de olinghes ghemaket hebbet. Unde de korve uppe der Ocht­munde schal eyn jewelik burschup maken unde holden, alzo vere alze ere anschot gheyt, to ewighen tyden. Ok schal een jewelik buwman in den Vylande, de myt euer pluch to velde buwet, stedes hebben enen hengst perd alze gud alze dre Bremer mark, dar he up volghen moghe to des landes nod. Unde en jewelik lantman in de zulven Vylande schal hebben to ewigen tyden C J ene troyen, enen yseren hud, en par wapenhanschen, enen schilt, ene worpbarden unde enen peck van zesteyn voten unde kortere nicht, by broke ener mark, unde dat schal en jewelik holden in den hilghen, dat id zin zy, wil men ene des nicht vorlaten, unde dat schal men holden d ) de gogreven unde de sworen an jeghenwardicheyt twyger domheren to Bremen unde des rades in den Borchwalle schowen, alze dicke alze wy en dat afFeschende zint. Vortmeer umme unnutte grote coste unde umme

') tyden fehlt im B. .Denkelb. 'Urnen holden fehlt bei Sudendorf, es scheint ein Schreibfehler im B. Denkelb. zu sein.

Brem. Lrlidl». IV. 21

l