86

1387. Mai 4.

eschet würd. Unde den toln schal men gheven to der brugghen in desser wize, alze hir nascreven steyt: de waghen buten dem stichte, de dar voret copmanne ghud over de brugghen, dat hord buten dem stichte, de schal gheven twe grote, de karne de dar voret kopmanne ghud, dat buten den stichte hord, eynen groten, de waghen binnen dem stichte, wanne se voret kopmanne ghud, dat buten den stichte hord, so schal gheven de waghen twe grote, unde wanne se voret ere eghene ghud unde se dat mit ereme rechte vorwaret willet, so schal gheven de waghen eynen groten. Unde desse vorscrevenen waghene unde kamen, alze dicke alze se over de brugghen varet, schullet se den vorscrevenen tolnen gheven, wanne se gheladen sund unde wanne se nicht gheladen sint, de helfte des tolnen. AI de waghene, de dar voret over de brugghen korn, hoppen, honnych, holt, torf, heyde, borcken, mos, hoy, kolen eder andere ghud, dat closteren papen denstmanne edder husmanne tohord, des schal juwelick waghen uthgheven uth unde to hus eynen nyen swaren. Dat perd schal gheven eynen nyen swaren, dat rind eynen nyen Bremere penningh, twe swyn eynen Bremeren, ver schaep eynen Bremeren, de to vote gheyd eynen Bremeren. Ock schullet gheystlike lüde, des stichtes denstman, vrouwen unde juncvrowen unde pelegrymen, se sin to voete edder to perde edder to waghene, tolnen vry wesen. Ock so mach de rad den dam, de tor brugghen hored, delen na rade twyer uth unsem capitele den büren by beyden syden der brugghe, wen unde wan se willet, de den dam vorwaren unde maken schullet, wfi dem rade unde den twen ute dem capitele dat mitte duncket, unde de bfir und ere ghud schullet darumme tolnen vry wesen. Unde unse capitel unde de ere unde ghud unde ere meyger unde lüde, wanne se der domheren korn tyns unde ghud voret, schullet toln vry wesen, anders schullet se tolnen, alze hir vorscreven steyt. Unde de borghere van Bremen unde ere ghud schullet ock tolnen vry wesen. Wanner aver dem rade des vordrote, dat se der brugghen dar nicht lengh hebben en wolden, so müghet se de brugghen berchvrede unde buw breken unde laten, wür dat se willet unde so schal id bliven by der rechticheyt tolnen unde veere, alze yd was, er de brugghe gheslaghen ward. Tho eyner betuchnisse al desser vorscrevenen stucke so hebbe wy unse inghezeghel ghehangen to dessem breve. Unde wy capitel to Bremen to eyner mereren betughinghe dat al desse vorscrevenen stucke mit unsem willen unde vulbort gheschen sin, so hebbe wy unse inghezeghel ock ghe- hanghen to dessem breve. Datum et actum in Castro nostro Vordis, anno domini M° trecentesimo octogesimo septimo, in crastino inventionis sancte crucis.

l ) Nach dem Original in Trese C. Anhangend das grosse Siegel des Erzbischofs: das Siegel des Domcapitels ist abgefallen. Auf der Rückseite von einer Hand des 15. Jahrh. Item uppe den tollen tor Borcli. Copie im Privileg. p.208; hiernach gedruckt bei Cassel, TJngedr. TJkk. S. 197. Vgl. unten Ork. Nr. 101. v. Hodenberg, Stader Oopiar S. VII Nr. 24 führt eine Urkunde von 1387 inprqfesio b. Victoris an, durch welche Bürgermeister und Rath zu Bremen geloben, die durch vorstehende Urkunde ihnen auferlegten Bedingungen getreu erfüllen zu wollen.