526

1410. Juni 16.

unvorvolghet ene pandinghe weder umrae doen up den ghennen, de den schaden heft ghedan, unde den schaden bemanen. Were ok, dat ze uns darto escheden, zo schülle wy unde willet en darto behnlpen wezen myd al unser macht, unde unze slote, kercken unde veste schüllen en open stan unde wezen, dat to bemanende, za dicke alze en de schade sehnt unde ze uns dar to esschet. Wanneer ze aver den schaden bemanet hebben, zo schallet ze de slote, kercken unde veste uns wedder antworden unde de riimen. Vortmer, welk man zin ghud to borghe doyt, de schal dat manen van den ghennen, den he dat ghedan heft eder zinen erven unde dar en schal anders nenient manynghe eder jenighe nod umme liden. Wer ok, dat jenich hovetlingh den Bremeren nicht en helde zine openen bezegelden breve, zo schülle wy unde willen jeghen den unde zine partye den Bremeren behnlpen wezen. Ok moghen de Bremere kennynge, weten unde capynge zetten eder tunnen legghen uppe den Meilern ofte up dat rode zand eder anders, wor ze willen; dat schülle wy unde unze underzaten heghen unde freden na al unser macht. Ok moghen de ghenne, de ervegüd hebben to Atenzen, dar wedder buwen unde wonen, wo ze dat don myd willen des rades van Bremen. Alle desse vorscreven stucke unde der en jewelik love wy Ede. Wümmekes, Lübbe Sibotes unde Meme zyn broder alle vornompt vor uns unde unze erven, partie, vrunt unde underzaten in güden truwen den borgermesteren, rade unde menheit der stad to Bremen stede vast unde unvor- broken to höldene zunder jenigerleye wedersprake, hulperede unde arghelist. Unde hebbet des to tnge unze rechten inghezeghele witliken unde myd ghüden willen ghehanghen to dessem breve. Datum anno domini millesimo quadringentesimo deeimo, in crastino beati Viti martiris.

y Nach, dem Original in Trese F. Anhangend die drei wolerhaltenen Siegel: 1) *h S'. Edonis * * * * Wommeken unter einem oben mit einem Löwenkopfe gezierten Helme ein schräg liegender Schild mit. nach rechts au/gerichtetem Löwen. 2) Sigilum * Lubrandi * Sibotes, unter einem mit gekröntem Pf'auenkopfe (%) gezierten Helme und der mit zwei Kronen geschmückten Helmdecke ein schräg liegender Schild mit nach rechts aufgerichtetem gekröntem Löwen 3) ►£< S'. Memonis: Sibetes, in dem von einem Perlenkranz umgebenen Bund ein nach links schreitender Löwe mit erhobener linker Vorderpranke.