460

1406. August 24.

sunte Anscharieze, Johannes Fockenbeke provest to Bunte Stepphene, Otto van Gropelinghe archidiaken to Rustringhe, Lyborius van Bremen provest to Wildes­husen, domheren unde im to tyden capittel der kercken to Bremen, bekennen in desser scrift, wente wy vele unbequemiychet schaden unde godesdenstes vorsumynghe dar an seghen, dat canonike van sunte Stepphene edder sunte Anschariese hadden ok provende edder ander leen in deme doeme, hirumme hebbe wy ghesatet unde settet in disser scrift na rade unde vülborde unzes leven gnedighen heren Johannes ertzebiscopes to Bremen, dat wy myd willen nemende meer laten willen to provenden, digniteten, personaten edder officia in unser kercken, de anders jenich leen heft in der stad to Bremen, he en hebbe dat leen tovorn vorlaten, dat he in der stad heft, unde en schal ok anders nyen leen irwerven edder hebben in der stad, dewile he unse mededoemhere ys. Weret, dat uns yement hir enboven darto drunghe myd paveses breven edder processibus, dat wy en weder unzen willen unde dyt statutum to unser kercken provenden edder leen laten mosten, alze vorscreven ys, deme, de dat dede, en scole wy noch en willet edder unze nakomelinghe in nenen stucken to vordere edder to gnaden wesen, dewyle he levet

Vortmer hebbe wy limine nütticheyt willen unser kercken ghesatet unde settet in disser scrifft, weret, dat yennich unser doemheren moste betalen siilschot edder buwe van yenighen guden, de he hedde unde to unser kercken horden, synen meygheren, de betalinghe unde plicht schal he deghedinghen myd den meygheren vor dem capittele, so dat id dem capittele witlik sy, wat he betale edder utgheve den meygeren. Weret, dat desulve doemhere, de dat ghelt utegheven hefft, alz vorscreven steyd, edder des meygers willen darumine ghemaket hedde, de vor- screvenen gude vorlete by lyve edder by dode, na wonheyt unser kercken, welk unser doemheren na em to den guden queme, unde wo dicke dat yd schude, de scholde demyennen, de de gude vorlaten hedde unde siilschot edder buwe den meygheren betalet hedde, alzo vorscreven ys, syn ghelt wedder gheven to [sunte Walburghe daghe neghest tokomende, alse dat güd vorlaten were, utghesproken des teynden pennyghes myn; unde alzo vaken alz de güde ummekoren worden edder in andere hand quemen, so scholde yo de teynde penningh afghan in der betalinghe, up dat to tokomenden tyden de betalinghe zo vele de lichter worde. Weret, dat de betalinghe nicht en schude uppe sunte Walburghe daghe, alzo vorscreven ys, so schal he dat twevelt betalen by enen mänte darna, en dede he des aver nicht, so en schal he myd uns noch to kercken edder to capittele gän, unde darto en schal he van den guden, dar he der betalinghe äff plichtich ys, nene rente upboren, unde en schal ok to neuer optien yenigher güde komen, dewile dat dat twevolde ghelt unbethalet ys.