1404. März 5.

399

Nr. 311.

ßrzbischof Otto bekennt dem Bathe zu Bremen 1000 Bremer Mark zu schulden und verspricht deren Bückzahlung auf künftigen Martini, widrigenfalls er mit zehn Bürgen Einlager in Bremen halten will.

5. März 1404. *)

Wy Otto van gnaden ghodes unde des stoles to Rome ertzebisschup der hilglien kerken to Bremen, bekennet unde betugliet openbar in dessem breve vor alle den ghennen, de ene zeed eder höret lezen, dat wy zynd schuldich rechter schult den vorsichtighen wyzen luden borghermeysteren unde radmannen der stad to Bremen duzent Bremer mark, alze dar vor der wesle ghinghe unde gheve zynd, de wy en schullet unde willet betalen bynnen Bremen myt reden penninghen to sunte Mertens daghe, de nu neghest to körnende is na gifte desses breves, ane jenigherleye hinder eder vortoch. Were aver, dat wy des nicht en deden, dat queme tho, wo dat to queme, so schulle wy Otto ertzebisschup to Bremen, zakewolde vorscreven, unde wy Dyderik van Oumunde, Cord Stedingh, Frederik van Tzarnhusen, Byderik Amendorp, Helmbert van Tzestersvlete, Dyderik van Stinstede, Meynerd van Wechelte, Johan de Sasse, Luder van der Hude unde Hinrik van der Lyd, knapen, unde willet bynnen den achte daghen zunte Mertens vorscr. zamentliken unghemanet to Bremen komen in de stad unde betalen de vorscr. duzend Bremer mark den borghermeysteren unde deme rade to Bremen myt reden penninghen, alze dar vor der wesle ghinghe unde gheve zynd, to erer nughe. Doch hebbet ze uns desse gnade dän, dat wy dar vore moghen to Bremen inne ligghen dre mand unde nicht lengh. Bynnen der tijd schulle wy unde willet en jo de vorscr. duzent Bremer mark betalen, alze vorscreven is, zunder jenigherleye lengher vortoch eder hinder. Ok en schulle wy noch en willet to den tyden nemende jenigherleye inlegher holden eder inne ligghen, wy en hebben den borghermeysteren unde rade to Bremen de vorscr. duzent Bremer mark degher unde al betalet, den lesten penningh myt dem ersten. Alle desse vorscr. stucke unde articule unde der en jewelich love wy Otto ertzebisschup to Bremen, zakewolde, Dyderik van Oumunde, Cord Steding, Frederik van Tzarnhusen, Dyderik Amendorp, Helmbert van Tzestersvlete, Dyderik van Stinstede, Meynerd van Wechelte, Johan de Sasse, Luder van der Hude unde Hinrik van der Lyd, borghen, alle vorenompt, myt zamender hant an ghuden truwen unde zweret unde hebbet ghelovet unde zworen in dessem breve myt uprichteden vingheren stavedes edes to den hilghen