526

1380. Januar 5.

wy ofte de unse edder unzer welk dezer vorscrevenen stucke jenich ofte yerghen ane vorbreken van unwetenheyt, so scole wy bynnen achte daghen darna, de den erst tokomende zynd, wan uns de raed dat afeschet ofte afeschen leet in eren breve, to Bremen inkomen sunder vortoch unde don darumme alzo vele alze de raed sprekt des bescheden zee. AI desse vorscrevenen stucke hebbet de eraftighen lüde Godewert van Borch, Dyderik unde Curd brüdere gheheten van Owmunde, Erp van Owmunde, Dyderik van Reken, langhe Johan van Werzebe, Marquard van Tzestersvlete, Johan Corlehake, Hinrik van Ydzendorpe, Clawes van der Cula, Lyppeld van der Helle anders gheheten Monnik, zee myd uns unde wy myd en, lovet an truwen myt zameder hant den vorscrevenen borghermester unde radmannen van Bremen al desse vorscrevenen stucke unde erer en yewelik to holdene vaste unvorbroken, ofte bynnen den neghesten achte daghen darna, wan wy darumme manet werdet, to Bremen intokomende myt zamender haut unde dar nicht ut, wy en hebben al desse vorscrevenen stucke unde erer en yewelik deghere unde al gheholden sunder arghelist unde lenglier vortoch. Sturve ok dezer vorscrevenen borghen yenich af de wyle dat wy den Langwedel hebbet, zo scole wy enen anderen alzo gut wedder in zine stede zetten. To ener openbaren betughinghe so hebbe wy her Mynrik, Gheverd unde langhe Vrederik vorbenompt, dat wy al deze vorscrevenen stucke lovet hebbet an truwen unde holden willet alze hir vorscreven steyt, so hebbe wy unze ingeseghele hanghen an dezen bref. Unde wy borghen vorscreven to ener openbaren betuginghe, dat wy lovet hebbet unde holden willet alze hir vorscreven steyt, so hebbe wy unser een yewelik ok unse ingeseghele myd willen unde wischup hanghen an dessen bref, deze gheven ys na godes bord drutteynhundert jar in den achtighesten jare, des hilghen avendes to twelften.

1 ) Aus dem notariellen Transeumt der Urkunde vom 27. Juli 1386 in Trese Bf,