1433. November 1.

577

Nr. 514.

Hayo Harldes und andere Häuptlinge geloben, Bremen -wegen der von Dide Lubben und seinen Kindern herrührenden Streitigheiten nicht weiter zu beschädigen, sondern die Stadt und den Kaufmann nach aller ihrer Macht zu fördern.

1. November 1438. *)

Wy Haye Harldes, Inneke Tannen, Lübbe Onneken, Dure Hayesson, Jolrik Wummyng unde Ike Achkesson bekennen unde betugen openbare vor alsweme in dessem breve, dat wy uns fruntliken unde leffliken hebben gesad unde säten jegen- wardigen in craffi; desses breves to den ersamen borgermesteren, radmanne unde gantze menheyt der stad Bremen in desser nagescrevenen wise: so dat wy, unse erven unde vrund unde alle deghenne, de limine unsen wyllen don unde laten wyllen unde schullen, se hebben vorlaten unde vorlaten in craft't desses breves aller ansprake, anclage, tosaghe unde unwyllen, de van weghene Tyde Lubben unde siuer kindere twuschen en unde uns upgestan was unde gewest hefft unde van der weghene vort twuschen uns wesen mochte. Unde wy latet se vor uns, unse erven unde vrund darvan quijd, leddich unde los to ewigen tijden. Unde wy schullen unde wyllen truweliken by den ergenanten rade unde menheyt der stad Bremen blyven unde nurnmermer to ewighen tijden thegen se don edder don laten, sunder wy schullen unde wyllen samptliken alle vorben. se unde de ore na alle unser macht in alle eren bedryve, meringen unde vorkeringen truweliken beschermen, heghen, vorderen, vlotten unde voren, wor en des nod unde behoft' deyt. Ok en Scholen wy noch unse erven unde vrund offte en wyllen van unsen vesten de ergenanten van Bremen, den kopman offte nemende to watere offte to lande beschedigeu, noch beschedigeu laten, sunder wy Scholen dat holden na rade des rades vorben. Alle desse vorg. stucke samptliken unde en jewelk besunderen loven wy Haye Harldes, Inneke Tannen, Lübbe Onneken, Dure Hayesson, Jolrik Wummyng unde Ike Achkesson vor uns, unse erven unde vrund unde vort vor alle deghenne, de umme unsen wyllen don unde laten wyllen unde schullen, den ergen. unde ersamen borgermesteren unde radmannen unde gantze menheyt der stad Bremen in guden truwen unde hebben dat na myt unsen upgerichteden lijffliken vingeren staveder ede up dessen breff to den hilgen gesworen stedevast unde unvorbroken to holdene") sunder jenigerleyge hulperede, nygevunde unde alle list. Des to merer betuchnisse unde ligener orkunde so hebben wy alle vorben. unse rechten ingesegel

a ) holdene im Orig. doppelt.

Brem, l'rkdb. V.

78