462

1430. Mai 10.

Nr. 426.

Das Anschariicapitel verkauft an Elseke, weiland Dienerin des verstorbenen Bremischen Bürgers Kersten Sluchter eine Leibrente zum Besten der ewigen Lampe auf dem Chore. 10. Mai 1430. »)

Ik Hinrik Grönland deken unde capittel der kerken to sunte Anscharies to Bremen bekenned unde betughet openbare in dessen breve, dat her Hermen van der Molen, vicarius in unser vorscr. kerken, alzo een vorwarer im to tyden des luchtes vor dem hilghen sacramente uppe dem chore unser vorscr. kerken, na unsem rade willen unde wulbord lieft vorkoft Elzeken, wandaghes denersche Kerstens Sluchters guder dechtnisse, borghers to Bremen, vor sesteyn Bremer mark, de deme vorscr. her Hermene an reden talden ghelde degher a ) unde al betalet zint, unde de de vorscr. her Hermen na unsem rade wyllen unde wulbord in vorbeteringh des luchtes vor dem vorscr. hilghen sacramente unde der lampen, deze hanghet middene in dem chore unser kerken, to holdende degher unde al ghekered lieft in de wissesten guder unde renten, dese hored to deme luchte to holdenne des vorscr. hilghen sacramentes, jarlike rente ener Bremer mark, ere liftucht, welke rente de erghenompde her Hermen, alzo een vorwarer des luchtes des hilghen sacramentes nu to tyden, unde zine nakomende vorwarers des luchtes des hilghen sacramentes scholed gheven unde betalen der vorscr. Elzeken, aldewyle se leved, jarlike rente ene Bremer mark, in allen verteynachten na paschen sunder jenigherleye weddersprake argheüst hulperede unde vortoch alle jar van den renten unde guderen des luchtes des vorscr. hilghen sacramentes van rechte unde van tinses weghene. Wanneer ok de vorscr. Elzeke dot is, so schal desse vorscr. rente ener Bremer mark de helfte komen to nutticheyt b ) des luchtes des hilghen sacramentes in der vorscr. kerken sunte Anscharies, unde de ander helfte der mark gheldes vorscr. to der vicarie her Herrnens vorscr. to hulpe to holdene de lampen, de dar hanghet middene in deme chore unser vorscr. kerken. To ener betughinghe al desser vorscr. stucke so hebbe wy Hinrik deken unde capittel unser vorscr. kerken to sunte Anscharies to Bremen unses capittels

o o o

ingheseghel ghehanghen to dessem breve. Datum anno domini M CCCC XXX, ipso die beatorum Gordiani et Epymachi martirum.

') Aus der Regula cap. s. Anschar. fol. 242 a, gleichzeitige Copie.

a ) Cop. deghel. b ) Cop. nucheyt.