460
1430. April 23.
Nr. 424.
JReversalbrief Johann Vreses wegen des ihm verpfändeten erzbischöflichen Hauses
in Bremen.
23. April 1430. »)
Ick Jolian Vrese Johanssone bekenne und betuglie openbare in dussem breve vor my unde vor myne rechten erven, unde we en holder ys des breves, den ick hebbe uppe des bischopes hus bynnen Bremen, dat de erwerdige in god vader unde here her Nicolaus ertzebischop van Bremen unde syne nakomelinge ofte dat capittel, wan dar neen here to tijden were, van mynen rechten erven efte holder des hovetbreves moghen wedder losen des bischopes hus bynnen Bremen vor vifhundert Bremer marck, also to Bremen vor der wessele ghynge unde gheve synt, na utwisinge des hovetbreves, den my myn gnedige here unde capittel van Bremen vorbenant darup gegheven unde beseghelt hebben, wo se em de losinge kundigen een jar tovoren na utgifte des hovetbreves. Ock en mach myn gnedighe here ofte syn nakomelingh edder capittel to Bremen, oft dar neen here en were, my edder myner husvrowen, oft ik ene neme, de losinge nicht kundigen, dewile dat wij leven. Wan aver wij vorstorven sijnt, so mach men de losinge kundigen alle jar, also vorscreven steyt. Ock scal ik Johan Vrese vorgenomt in dussem huse vorbuwen unde vor- kostigen to des huses nutticheyt drelmndert Bremer marck van den vifhunderden vorgescreven, unde schal dat rekenen denghennen, de my myn here van Bremen unde dat capittel vorbenomt darto voghet. Unde wat ick myn vorbuwe, dan de dreihundert Bremer marck, dat schal ick unde wijl unde de holder des hovetbreves afslan in den vifhundert Bremer marken ergenant. Were ok sake, dat dat hus myt syner tobehoringe meer buwens behovede, den dusse drehundert Bremer marck vorgescreven utwiset, dat schal ick doen na rade mynes heren unde des capittels van Bremen vorgerort. To merer betugnisse al dusser vorscr. stucke so hebbe wij Johan vorbenomt unde Wilken myn broder unse ingesegel laten hangen to dussem breve, de ghegeven ys na godes bort veerteynhundert jar in dem drittigesten jare, des hilgen dages sunte Juriens des a ) hilgen mertelers.
') Nach dem Original im kgl. Archive zu Hannover Nr. 2038a. Anhangend das ziemlich gut erhaltene Siegel des Johann Vrese; von dem zweilen Siegel ist nur der Untertheil erhallen. Auf der Rückseite von gleichzeitiger Hand: Littera Johannis Vresen super domo archiepiscopali in civitate Bremensi.
») Orig. der.