Druckschrift 
Bd. 5 (1902) [Urkunden von 1411 - 1433]
Entstehung
Seite
130
Einzelbild herunterladen
 

130

1419. Juni 1.

menighen sekeren copmanne sijn lyff unde güd ghenomen ys, hebbe wy uns vruntliken vorgan unde vordregen myt deine rade unde meenheit der stad Bremen, unsser een deme anderen to helpende, des koniges strate in vrede to beholdende, unde uns darane to bewysende, alzo hir nascreven steyt. Dat wy landlude der vorscr. vijff kerspele olt unde junck, de to eren jaren komen sind, hebbet ghelovet unde sworen myt upgberichten vyngeren stavedes edes to den hilghen vor uns unde vor unsse kyndere boren unde ungeboren by deme rade to Bremen unde erer stad to ewighen tyden to blyvende unde en truwe holt unde horsam to wezende unde boven den raed to Bremen anders nennende to kesende, uns to vorbyddende unde to vordeghedingene. Unde de rad van Bremen unde weme ze dat bevelet, schullen liebben dat richte in unsem lande, wes dar van komet van broke, des schal de raed hebben de twe del to erer stad behuff unde dat land den derden del, unde schüllet blyven by unsen olden rechte na utwyssinge unsses azeghen bokes. Were ock, dat deme raede unde der stad Bremen krijch unde orloch anvelle unde zee uns esscheden in ere helpe, so schulle wij vijff kerspele vorscr. en volghen unde behulpen wesen uppe unses landes koste wyn unde vorluus, utesproken slote, land unde lüde, efft de ghewunnen Avurden, de schal hebben de raed unde stad Bremen. Were ok, dat wy hulpe van deme rade unde der stad Bremen begherende weren, dat sick to koste, to ghelde unde to ghude lepe, dat schulle wy landlude der vorscr. kerspele meenliken betalen. Wolde uns ock yement beclaghen semptliken edder en deel, edder wy wen beclaghen wolden, so schall de raed van Bremen unser mechtich wezen na eren seggende to vrundschuppen edder to rechte. Unde wes ze seggen, dat schulle wy nemen unde don, unde ze schullen uns yo by rechte beholden. Duchte ock deme rade, dat en ener bede behuff were eens in deme jare, alzo dat ze van uns begherende weren yo van ener yewelken ploch ene tunnen ghersten to erer stad behuff, der en wylle wy en umme vruntschup wyllen nicht wegheren, uppe dat ze uns de truweliker heghen unde vorbydden. Ock en schulle wy noch en wyllen nene zerovers entholden in dussem lande edder des yemende Steden, de ze entholde, de van Bremen, de ere edder yenighen kopmanne uppe der Wezere edder uppe der zee to beschedeghende. Ock schulle wy der van Bremen ergeste keren unde wenden, war wy konen, na all unsser macht unde ere vyende nicht entholden. To betughinge desser vorscr. stucke unde articule, dat wy unde unsse nakomelinge to ewyghen tyden de truweliken unde unvorbroken wyllen holden, hebben wy vijff kerspele vorenompt unsses landes ingheseghel ghehangen to dessem breve. Datum anno domini millesimo quadringentesimo deeimo nono, feria quinta ante festum pentecostes.

') Nach einer gleichzeitigen Copie oder dem, Concepte auf Papier in Trese F.