Druckschrift 
Bd. 5 (1902) [Urkunden von 1411 - 1433]
Entstehung
Seite
2
Einzelbild herunterladen
 

1

1411. Januar 12.

den Godeke vorben. efte zyne erven den vorscr. graven nicht lenk holden, dat mogheu ze den rade en half jar den tovoren kundeghen unde breken ere buw af, ofte ze dar wes up ghebuwet hadden, unde wesen darmede des vorwarens quid, ledieh unde los; id en were, dat de rad dat buwe beholden wolde to der stad behuf, zo scolden ze en dat ghelden vor so vele, alze twe ut dem rade unde twe van Godeken erghen. efte siner erven vrunde segheden, dat redelik were. Wolde ok de erghen. Godeke (efte) il ) zine erven den vorscr. graven holden unde vorwaren de tijt ut, alze vorscreven is, zo scolden se gheven to unser stad inarstalle jewelikes jares ene mark. Wanner ok sesteyn jar ghesleten zynt, wil den de rad de helfte der vischerie unde buwes hebben to der stad behüf, so scholden ze den vorben. Godeken efte zinen erven dat kundeghen en half jar tovoren unde ghelden en de helfte des buwes na zegghende twier ute dem rade unde twier van eren vrunden, alze vorscreven is, unde gheven en darto teyn [mark vor] ere kunst, eventure unde

arbeit, dat se dar an ghelecht hebben......half al dat dar up komen mochte.

Wanner de jare vorscr. alle ghesleten weren, wolde den Godeke efte sine erven

den vorscr. graven den lenk holden unde vorwaren umme moghelike......,

des scholden se negher wesen den jement anders. Wolde ok Godeke vorscr. efte sine erven, [wan de jare] ghesleten weren, den vorscr. graven nicht lenk holden unde vorwaren, efte dat den de [rad en| nicht lenk laten wolde, so scholde en de rad ere buwe ghelden na segghende twier ute dem rade [unde] twier van eren vrunden, unde don den, alze vorscreven is. Ok so hebbe wy den vorben. Godeken unde sinen erven gheorlovet den wal twischen den Kograven unde der borgher- weyde to vorwarende unde mede to brukende in den vorscr. jaren, umme des willen, dat ze den de bet beplanten myd wide, myd [dorne] b ) unde wormede en dunket, dat nutte unde gud zy. Ok moghen ze des wides mede bruken uppe den korven, to tunen unde wor me den graven unde den wal mede vesten mach, dar ze des behoveden. Wanner de rad mer des wides to der stad efte to der weyde behüf hebbet, des schal de rad mechtich wezen. Buwede ok Godeke vorben. efte zine erven wes uppe den vorscr. graven efte uppe den wal, dar ze enen in setteden, den graven, vischerie, den wal efte buwe to vorwarende, de mochte veer koye gande hebben up de borgherweyde. Were ok, dat de vorscr. Godeke efte zine erven deden enem unse borghere de vorben. vorwaringhe dessulven graven, waters unde walles in den vorscr. jaren, ofte dat ze enen hulpen to zik nemen to dem sulven rechte, zo ze dat hebbet, des scholden ze mechtich wesen. Dede em ok jement schaden uppe dem walle, in den graven unde in der vischerie, dat Godeke efte zine erven vorscr. den rade to wetene deden, dat scholde de rat an enen

a ) efte fehlt im Ms. b) So die Abschrift aus dem vorig. Jahrhundert, das Wort ist jetzt nicht mehr zu lesen.