1363. Mai G.

175

van Borken, borgheren to j| Bremen, unde eren rechten erven vor anderhalf hundert Bremer mark, de uns al betalet sint, unze ghut dat gheleghen is to Arsten, dat uns van Hinrike Büke wurden is unde wandaghes hört hadde Ghizeken van den "Wolde, unde unze güt dat uns ghewurden is van Johanne Scote, dat ok to Arsten leghen is, mit würden, mit ackeren buwet unde unghebuwet, mit watere, mit weyde, mit wysche, mit aller tobehort unde mit aller slachter nüt, unde mit alleme rechte, unde ok unze voghedye de wy hebbet to Arsten over Otten güt Thedenevers, over der Küleschen güt, over Johannes güt Zaterwales, over Willers güt, Berneres güt, over Clawenborghes güt unde over Johannes güt Vloghels, mit bede mit deneste unde mit alleme rechte, also dat jhewelick desser vorscrevenen güt aller jar scal gheven to voghedye ene Bremer mark, to enen rechten kope to beholdene unde to bezittene, jodoch also dat de vorscrevene vor Gheze unde ere erven scolden hebben in dessen vorscrevenen gude unde vogbedye tyns unde rente unde al dat darvan komen mach de tve del unde Hinrick unde zine erven den derden del. Ock so hebbet ze uns unde unzen erven de gnade gheven, dat wy dat vorscrevene gut unde voghedye moghen wedder kopen vor anderhalf hundert Bremer mark to allen zuntte Peters daghen also he up den stül zet wart, wan wy willet, wo wy em de losinghe vore kundeghen bynnen den tvolf nachten to wynachten, de den neghest komet vor den suntte Peters daghe, wan wy den wedderkop don willet. Ock zo scolet ze weldich unde werieh bezitten in den vorscrevenen güde unde voghedye unde al de rente unde tyns vryliken upboren also langhe, wente em ere anderhalf hundert Bremer mark al betalet sint de leste penning mit den ersten. Vortmer so hebbe wy lovet unde lovet in truwen in dessem breve mit zamender hant den vorscrevenen vorn Ghezen, Hinrike unde eren erven des vorbenumpden güdes unde voghedye unde al erer tobehort unde rechtes rechte warende to wesene, wanne unde wor unde wo dicke is em not is, unde scolet em dar entveren van aller hinder unde ansprake. To ener openbaren betughinghe so hebbe wy unze ingheseghele ghehanghen to dessen breve, deze gheven is to der Hoyen, na godes bort drutteyen hundet unde in deine dre unde zesteghesten jare, in den hilghen daghe suntte Johannes vor der latineschen.

V Nach dem Original in Tre.se Ji(j. Anhangend das S'. Gerardi coraitis de Hoya; und das Secretum Jo- liaiiis com......Hoya.