452

1339. August 15.

sate ingesettet van unsem ersamen ver withern, nomptlicken her Johan van Revele, Hinrick Staphorst, | Reiner Renesbarch, Meinert van Arsten unde de meistere unde dat ganze anrpt der kromere to Bremen. So we ein amptman j| wert oft ein ampt- frouwe, de Scholen echt, recht unde frig gebaren wesen, beide, man unde frouwe. Is he ofte se buten Bremen gebarn, so schal men besegelde breve bringen binnen den tiden, als em gesettet wert. Weret ok averst sake, de dat ampt eschede, dat sy man ofte frouwe, de byimen Bremen gebaren weren unde dat van unsen ampt- broderen nicht en wüste, dat he ofte se binnen Bremen gebaren weren, so Scholen se bringen dre unberuchtede borger; de Scholen dat mit eren upgerichteden brücken fingern upholden unde to den hilligen sweren, dat he oft se bynnen Bremen echt unde recht fryg gebaren syn, unde den fort einen winkop doen dessulven dages, alse he ein amptman wert ofte ein amptfrouwe, sunder de heren unde mestere unde amptlude vororloven ome dat wente up einen andern dach, so mach me dat doen mit orlove.

Ok vort schal men weten, wen man unde frouwe dat ampt to hope winneu, so sint se beide mit einen Avinkope frig; sunder eschet se nicht to hope, so moten se beide einen winkop doen. Unde wen men den winkop doeit, schal men de tafelen decken, unde geven ver richte, nomptliken: in ein vat einen drogen schincken unde borstucke vam ossen unde droge kotungen unde metwurste, darnegest grapen- braden, darnegest braden, darnegest botter unde Texter kese etc. Doeit men den winkop up einen fiskedach so schal men geven ok ver richte, nomptlik drogen Barger visk unde hekede oft qwappen unde gebraden viske unde botter unde Texter kese. Isset dat men fastet, so schal men vor botter unde kese geven drogen lass ofte gebraden negenogen, darnogest krullekoken, darnogest appel unde note unde so vele beres als men den avent") drinken mach.

Isset averst sake, dat dar ein frombt man were, de dat ampt begerde unde lete sik eine morgensprake leggen unde queme den dar ein amptkint in de morgen- sprake unde begerde ein amptman ofte ein amptfrowe to werden, de schal vor den frombden tovoren gaen mit aller gerechticheit, alse hir na geschreven steit. Isset ein manspersone, so schal he einen winkop doen, als hir vorgeschreven steit, unde schal schütte unde bade wesen, unde wert he to einen mester karen, so schal he gelik eine mesterkost doen, gelik alse he de amptkost deit, alse hir nageschreven steit, sunder he is frig, dat he dem ampte nene amptkost deit unde ok den heren b ) unde ampte nen gelt en gift.

Item dat sy man ofte frouwe, de syn amptkost doeit, de schal se doen, als

■) Die andere Copie: den avent lank. h ) unde ok den heren, ist in unserer Copie wiederholt.