1427. Juni 9.
347
eme geervet, gegeven ofte he hebbet gekoft, dat schal he unde mach bruken unde behalden. Vortmer alle vangen an beyden parthyen Scholen ledich, los unde qwid wesen, nnde darto alle gelt van den vangenen, dat umbetalt ofte vorborget is, schal ledich unde qwid wesen. Unde umme dat, dat jnncher Ocken, der van Groningen, Emeden unde der partye vangen, de en aff'gevangen synt, syn beter den Sibetes, Focken unde ere parthye, de en aftgevangen' synt, so Scholen der sulven juncher Ocken, Groninger unde Emeder unde ere partye vangenen geven Sibete, Focken unde erer partye to vorbeterhende (!) twintichhundert Arnusche gülden, dat hundert by viff stigen to rekende, unde dat golt to betalende twischen dyt unde sunte Jacobs dage, unde dat to vorborgende myt nogaftigen borgen. Unde were dat de vangenen under sik nicht konden vordregen umme de utgifft unde de betalinge des goldes, so schole wy schedeslude vorscr. des mechtich wesen, wes wy darumme seggende werden, dar schal id jo by bliven. Unde desulven vangen, de noch ge- vangen synt, Scholen vororveyden Oestvreschland, oft me dat van en hebben wil. Vortmer were, dat we den anderen hadde to beclagendij umme ervegude, dar schalt umme gan alse recht is na lüde eres lantrechtes in den landen, dar de gude gelegen synt. Vortmer Scholen alle wege unde mene Straten to watere unde to lande geopent wesen, de nergen mede to bedikende, totopalende ofte totogravende. Unde hirup so schal allerleye twydracht unde sake van dessen beyden partyen, unde de umme eren willen in desse veyde gekomen synt unde gewesen hebben, gesleten linde gesonet wesen unde allerleye Unwille gelegert wesen, id sy tokomen, wo dat tokomen sy, van Uudeschen ofte van Vresen. To betugende aller desser vorscr. stucke, wente wy schedeslude al vorben. desser vruntliken schedinge unde sone overengekomen synt unde aldus endrachtliken utesproken hebben, hebben wy borger- meyster unde radmanne to Bremen van unser stad wegen unser stad ingesegel, unde wy lantlude menliken der lande Butenyade unde Wursten van dersulven unser lande wegene unser lande beyde ingesegele gehangen to dessem breve. Ghegeven na godes bort vertevnhundert jar darna in deme sevenetwyntigesten jare, des mandages to pinxsten.
') Nach dem Original in Trese Bo. Anhangend das Secretsiegel der Stadt Bremen, das alte Siegel des Rustringerlandes (siehe oben Nr. 321) und das alte Siegel des Landes Wursten. Gedruckt Ostfries. Urkdb. Nr. 351.
44 f