268

1425. September 14.

so langlie dat der stad to Bremen ere schade degher unde al wedderleclit, vornogliet unde betalt sy. Unde desset scholet unse amptlude to Delmenhorst, unde tom Lang­wedele, de dar jegenwardich sint, van stunden an dem rade to Bremen in eren openen besegelden breven loven unde sweren, dat se desset aldus don unde holden unde dem rade to Bremen vorscreven de slote by eren eden don unde antworden willen. Wan dit sus schege unde wanner dem rade to Bremen vorscr. ere schade wedderlecht is, so Scholen se uns unde unseme stichte de slote vorscreven wedder antworden, alse se en geantwordet unde gedan sint. Unde wo dicke wy nyge amptlude up desse vorscreven unse slote setten, so Scholen de dem rade to Bremen darup gheven opene besegelde breve, dar de sulven amptlude ynne loven unde sweren, dat se desset ok yo so holden unde don Scholen unde willen, offte aldusdanne schade by eren tyden scheghe ofte queme. Were dat wy unde de unse volgeden der stad to Bremen, dat schal scheen up ere koste. So schal wyn unde vorlus der stad to Bremen gelden und nicht uns ofte unse stichte. Quemen ok wy ofte de unse der volge in jenighen schaden, den schaden schal uns de stad to Bremen degher unde al ok bynnen ses manden wedderlegghen und wedder richten. Were ok, dat wy unde de rad to Bremen tosamende ene reyse wolden anlegghen, eyn islik up sin eventur unde koste, dat mach en jewelik don, dar schal desse vordrach unde voreenynghe nicht mede broken wesen. Vortmer were, dat unse capittell der kerken to Bremen in dessem vordraghe und vorenynge wolden mede wesen, dat moghet se don, unde so scholet se hulpe unde volge mede don mit volke, kosten ofte mit gelde redeliken nach erer macht. Unde so scholet se dem rade to Bremen besegelen, ofte de van Bremen, dat se uns volgeden, alse vorscreven is, in jenighen schaden quemen, den wy en nicht wedderrichtet hedden ofte nicht wedderrichten konden, dat unse vorscreven capittel dem rade to Bremen den schaden schal unde will van des stichtes gude deger unde al wedderlegghen unde vornoghen. Unde wan de besegelinge unde vorwissenynge dem rade to Bremen van unsem capittele ghescheen is, so Scholen de vorpendinge unser slote vorscreven unde de ede unser amptlude degher unde alle afgedan wesen. Wolden ok unse capittell vorscreven an dessem vordraghe nicht mede wesen, dar schal desse vordrach unde voreenynghe unvorbroken mede wesen. Were ok, dat jenich twydracht ofte schelinge twisschen uns unde dem rade to Bremen upstonde na desser tyd, den wy unde se twisschen uns nicht konden afsetten, unde vorlykenen, dar schole unde wille wy vere unser frund unde de rad to Bremen vere erer frund, bynnen den ersten verteynachten darna dat de schelinge unde twidracht upstan unde ge- claget were, to kesen unde setten, de Scholen to Bremen in de stad inkomen unde en Scheden dar nicht uth, se en hebben uns unde den rad to Bremen in fruntschoppen offte ym rechte vorscheden unde vorlykent. Were aver, dat de achte vorscreven sick bynnen verteynachten, nadem alse se to Bremen ingekomen weren, nicht konden