248

1424. Juli 29.

dagh, in desser wijs: dat de vorserevenen hovedlinghe dat slott Fredeborgh twischen hir unde unser frowen daglie assuinpcionis (Aug. 15) unde den toren der kercken Goldswerden, in dem vorserevenen Stadlande gelegnen, twischen hir unde unser frowen daghe nativitatis (Sept. 8) negest körnende schollen gentzligen unde tomale vorstoren, nedderlegghen unde breken, de walle unde bolwerke offenen unde de graven dar ummegande dijken, also dat de sulven slot unde kercken see, ore frund off partye in tokomenden tijden nummermeer wedder bebuwen, angripen off bevesten schollen, noch bebuwen, angripen off bevesten laten vor borghe off vor slote; nnde wes dar van in holte unde stene gereddet wert, schal gentzligen to kercken unde godeshuseren behoeff komen unde gekard werden. Ok en schollen de vorserevenen partye van nu vort nene slote off borghe in de vorserevenen land buwen off be- gripen; doch mach en jewelik, de in den landen beerved off begudet is, uppe sin erve edder gud huse, kemenaden off gemak buwen edder setten, vor den ghemenen husingh unde andere sine vyande liff unde gud to berghende unde to reddende. Vort so en schollen de vorserevenen borgermeistere, rad unde stad to Bremen in den vorscreven landen nenerleie herlicheid, gerichte, gebeede, erve off gud beholden, uthgesproken alsullike erve unde gude, de bisundere personen, borghere to Bremen, redeliken unde rechtliken gekofft hedden off van ervetale an see gevallen weren. Hir mede schollen beide partye fruntligen unde geloffligen umme alle vorscreven sake gesated, gesoned unde vorened wesen, also dat de vorserevenen hovedlinghe, ore frund, partye unde undersaten schollen de borghere unde inwonere der stad unde stichtes to Bremen unde alle unde jeweliken copman in unde buten Fresland to water unde to lande, unde des gelijkes de rad van Bremen alle unde jeweliken, de uthe Freslande de stad van Bremen soken, truweliken unde geloffliken hegen, beschütten, beschermen, vorbidden unde vordegedinghen na alle orer macht sunder arghelist;' unde off jemend dar en boven den copman anverdigede off beschedigede, we de were, dar schollen een partye der anderen, de dar to geesched wert, wedder to bemanende, to x'ichtende unde wedder to donde mit gantsen truwen behulplik wesen. Vort so schollen de strate in, bij unde to Freslande to water unde to lande frig unde felich wesen unde bliven to ewighen tijden van allen nyen tollen unde be- swaringhen. Were aver, dat jenich copman van ungeschichte off Unheiles waters off weders land off grundroringhe dede edder schipbrokich wurde, dat en schal deine schipmanne, copmanne off heren des gudes noch an live noch an gude to schaden off to hinder wesen, uthgesproken redelik, moghelik berghelon der gennen, de deme copmanne sin gud in noden berghen unde redden helpen unde van em darto ge- beeden werden, na lüde unde uthwisinghe alsodanner breve, alse den hensesteden unde deme ghemenen copmanne darupp gegheven unde besegeld sind. Desse frundlige vorschedinghe hebbe wij Nicolaus ertzebisschopp, Ditmer van Tune, Hinrik