1430. April 29.
461
Nr. 425.
Erzbischof Nicolaus und der Knappe Heineke Clenck geloben, das Domcapitel und den Rath zu Bremen schadlos zu halten von dem Anspruch, den Heineke von Alten wegen des Langwedels an sie erhebt. 29. April 1430. l )
Wy Nicolaus van godes gnaden erzebischop to Bremen unde ik Heyneke Clenck heren Ortghises sone, knape, bekennen unde betughen openbare in dessem breve vor alsweme, dat wy scbolet unde willet schadelos maken unde holden de ersamen heren deken unde capittel der kerken to Bremen van der ansprake unde tosaghe weghene, de her Heyneke van Alten hefft van des Langwedels weghene to deme capittele vorghescr., borghermesteren unde rade to Bremen, alze van vyff- teynhundert Lubeschen marken. Wer zake, dat her Heyneke vorghescr. deme capitle, borghermestere unde rade desser vyffteynhundert Lubesche marke en deles offte all affdeghedinghede in rechten offte in vruntschopen, wo dat toqueme, offte wo men dat benompden mochte, des schole wy Nycolaus erzebischop unde Heyneke vorghescr. dat capittel to Bremen, borghermestere unde rad, eynen ysliken domheren bysunderen, äff entheven unde los maken sunderen eren schaden to heren Heyneken unde to synen erven, Avanner wy darumme ghemanet werden van deme capittele, borghermestere unde rade vorghescr. myt boden offte mit brevem Wer des zo nicht en scheghe, zo vorghescreven steyt, zo bekenne wy Nicolaus erzebischop to Bremen, Heyneke Clenck knape, zakewolden vorghescr., myt unsen nascrevenen borghen, alze mit namen Dyderik unde Stacies brodere de Clencke heren Ortghises sones, Merten van Werzebe, Ghevert van der Hude, Johan van deme Santbeke, Dyderik Spade unde Hinrik Korlehake Johans sone, dat wy Scholen unde wyllen to Bremen inriden, wan wy darumme ghemanet werden myt boden offte mit breven an unse hus offte an unse jeghenwardicheyt van deme capitle vorghescr., unde holden dar eyn recht inlegher stedes hen wente alzo langhe, dat wy dat capittel unde eyn ysliken domheren bysundern van heren Heyneken offte synen erven claghe unde ansprake van der vyffteynhundert Lubesche marke weghene sunder schaden entheven unde entweren werden....... Screven na godes bort dusent jar veer-
hundert jar darna in deme dertighesten jare, des sonavendes vor Misericordias domini.
') Aus dem Copiar II Nr. 46 im legi. Archive zu Hannover p. 208.
Am gleichen Tage bekennt Heyneke Clenck von Erzbischof Nicolaus mit Zustimmung des Domcapitels das halbe Schloss Langwedel für die Summe von 500 Bremer Mark zum Pfände erhalten zu haben und verspricht, für die Dauer der Pfandschaft die Meier und Güter des Erzbischofs, des Domcapitels, des Rothes zu Bremen und jedes Domherrn insbesondere nicht zu beschädigen oder beschädigen zu lassen, unter Gelöbniss des Einlagcrs in Bremen für den Fall der Beschädigung. Ebenda p. 208f.