456

1430. Februar 19.

screvenen viff' yare gesleten zint, so mach unser eyn dem anderen, de rad nns ofte wy demc rade vorscr. de losinge kundigen to deme negsten sunte Michaels dage, unde so Scholen ze uns to unser leven vruwen dage to lechtmissen betalen unde weddergeven de vorscr. vifhundert Bremer mark unde darto wes wy entrichtet hehben van deme deile hern Heynekens van Alten, unde so schulle wy en ant- werden de hellte des slotes Langwedel na lüde des hovetbreves, de darupp begrepen is. Ok en schole wy ofte de uuse nen quijk slan edder slan laten, dewyle dat wy de helfte des slotes Langwedel ynne hebben, den van Bremen, deme capittele to Bremen, den eren unde den gennen, de se mit rechte vorbidden unde vordeghe- dingen moghen. Were aver, dat wy dat hirenboven deden, so schole wy unde willet dat gehlen bynnen den negesten maende darna, ofte wy Scholen bynnen den negesten achte dagen darna, alse wy van deme rade to Bremen darumme gemanet werden, samptliken to Bremen ynkomen unde bliven dar so lange bynnen, unde en Scheden dar nicht uth, wy en hebben de betalinge dan na seggende des rades, alse redelik is. Ok en schulle wy noch en willet darsulfs to deme Langwedele nemende nicht afsetten noch afsetten laten. Were aver, dat wy ofte de lüde uppe deme campe wes behoveden, dat de copman dar brachte van körne, dat schal men en dar vorcopen unde men schal dat meten mit Bremerer mate unde betalen dat deme copmanne mit redem gelde, also dat to Bremen gelt, unde men schal den copman dar nicht mede letten unde thoven. Ok schole wy unde willet den copman truwe- liken vorbidden unde vordeghedingen na alle unser macht. Ok en schulle wy noch en willet den copmanne nenerleye vare don, noch mit ummestortinge uptlieen, noch uptheen laten, unde ok nen gelt afdrengen noch afdrengen laten yenigerleyewys. Vortmer so en schulle wy nemande Imsen heghen ofte entholden keghen de stad unde dat capittel to Bremen, noch teghen de ere, dar uns dat witlik is. Ok en schulle wy noch en willet nenerleye veyde anslan noch anslan laten, wy en don dat na rade des rades to Bremen. Were aver, dat wy weme wes hadden toto- zeggende, dat schulle wy vorclagen to enen maende vor dem rade to Bremen unde en kunnen se uns denne rechtes nicht behelpen edder mogeliker frundscop, so möge wy unse recht van deme slote vorvurderen unde bemanen unde unses unrechtes irweren. Wanner uns aver de rad to Bremen rechtes edder mogeliker vruntscop behelpen konen, dat schole wy jo nemen. Ok schal dat slot to Langwedel des rades to Bremen unde des capittels opene slot wesen to eren nuden unde noden, wor en des behoff is. Ok schulle wy unde willet hebben twintich weraftige man uppe deme slote Langwedele. Ok schulle wy des samentliken hebben teghen de genne, de des teghen den rad hebben, unde de rad wedder teghen de genne de des teghen uns hebben. Unde wanner ok de vorscr. vif jar gesleten sint unde uns de losinge kundiget is, edder offt wy de losinge kundiget hebben, edder dat unse