/

348 1427. Juni 10.

Nr. 329.

Die Stadt Bremen, Butjadingen und Wursten verpflichten sich gegen Sibet von Bustringen, Pocke Ukens und ihre Partei zur Hülfe, falls jemand von der Partei Ockos tom Brök den durch sie ergangenen Schiedsspruch brechen sollte.

10. Juni 1427. l )

Wy borgemester unde radmanne der stad Bremen, sesteyn radgeven unde landlude meenliken der lande Butenyade unde Wursten bekennen unde betugen openbare in dessem breve, dat wy uns hebben' vordreghen, voreenet unde vorbunden, vordreghen unde vorbynden in dessen breve mit Sibete to Eustringen, Focken Ukens to Hl ere unde Uden to Norden, hovetlingen, Imelen to Grymessum, Eimen In der Greed, Imelen Hissekensone, Hedde Kancken, Tadeke Ammessen, Eppen to Westerbroke und Wybete van Stedestorpe in desser wise. Were, dat juncker Ocke van den Broke, de stad var? Qronyngen unde de landlude der lande") dar ummelang by Gronyngen geleglien unde de gbenne, de van erer weghene unde mit en in de veyde gecomen weren, utginghen der vruntligen schedinge unde sone, de wy borger- mester unde rad der stad to Bremen unde landlude der lande Butenyade unde Wursten utgesproken unde utgesecht hebben twissclien den ergen; juncher Ocken, den van Gronyngen, eren partyen unde vrunden unde Sybete, Focken, Uden, Ymelen etc. alle vorben., eren vrunden, hulperen unde partyen, alse se an beyden syden vruntliker scbedinge xmde sone by uns gebleven weren na ynneholde erer openen besegelden breve, unde se der nicht en beiden unde worane vorbreken, unde uns dar clage over queme van den jennen, den dat vorbroken unde nicht ge­holden worde, unde wy den jennen, den dat brak ghescheen is, nicht konden be- helpen ere unde rechtes edder mogelike vruntschop bynnen den ersten maende na der clage over den ghennen, de dat vorbroken hetft, so schulle unde wille wy den jennen, van welker partye, dem wy des nicht behelpen konen, mit al unser macht in sine b ) hulpe komen up de jennen, de des utgheit, solange dat wy em ere unde rechtes edder mogelike vruntschap behelpen konet. Unde weme wy ere unde rechtes edder mogelike vruntschop behelpen konen, dat schal malk yo nemen. To betu- ginge desser vorscreven stucke, de stede vast unde unvorbroken to holdene, so hebben wy borgermester unde radman der stad Bremen unser stad secret, sesteyn radgeven unde ghemeene landlude der lande Butenyade unde Wursten vorscr. unser lande

a ) Im Original steht de landlude der landlude, nicht, ivie Friedländer Ostfries. Urkdb. meint, zweimal de landlude. b ) in sine liest Friedländer, Ehrentraut hat statt der zioeifelhaften Worte eine Lücke.