346

1427. Juni 9.

twyschen den vorscr. twen partyen upgestan synt, van der tycl dat desse veyde anstände was went an desse yegenwardigen tyd, by uns gebleven synt na lüde erer openen besegelden breve, de se uns an beyden syden darup gegeven unde besegelt unde uns des vulmeclitich gemaket hebben, liebben vorramet unde seggen vor vruntlike scliedinge, int erste, dat de mene Irnsing van dessen vorben. beyden par­tyen schal vry wesen und bliven van allerleye dwange, egendome und denste, also de oldinges gewesen liebben, utegesecht rechte broke na lüde eres asgebokes, wil- kore unde lantrechtes. Ok Scholen alle kerken, clostere unde godcshuse godeshuse bliven umbeset, alse de in godes ere gebuwet synt, unde in tokomenen tyden nene godeshuse mer to besetzende van jemande. Unde welk godeshus nu beset is, schal men rumen vry unde qwid unde umbesed maken twischen dyt unde sunte Jacobs dage liegest körnende. Und des gelikes Lengener kerken, Marienhoff, Erle unde Witmunde Scholen godeshuse bliven umbeset van jemende. Were dat dyt jemend breke gode ofte den husinge, den gennen den dat gebrak schude, de moten dat clagen, oft se dar nicht mede liden unde besitten willen, der stad to Bremen, den lantlude der lande Butenyade unde Wursten; konen en de nicht recht ofte vruntscup helpen, so mögen se dar to nemen den menen liusingh, unde den jennen, de den broke also gedan lieft, underrichten myt macht, dat sik des eyn ander hode. Ok so schal Varlle wedder komen in de rechten erven untobroken, aver dat schal jo umbeset bliven van enen jewelken. Unde juncher Diderik, greve to Oldenborg, unde syne erve Scholen ere bände affteen van allen Vreschen palen unde van en ungenouwet wesen, unde des gelikes Scholen de Vresen ok don, wat to der herschup Oldenborg höret, dat dat darby blive unde van en ungenouwet wese unde blive. Vortmer Detheren schal men antworden Lengenerlande unde Mormerlande den husinge, na den dat id en lantwere is der sulven lande, de mögen dat enem bevalen, weme se willet, edder de lande mögen dat dale breken, oft se willen. Vortmer schal men Vredeborch antwarden den husinge an Oestringe unde Herlingerlande, de mögen ok enem to des landes besten dat bevalen, weme se willet, ofte se mögen dat dale breken, oft se willen. Jever schal men vort dale slyten unde dale bliven, nicht weddei' to buwende. Vortmer de lande gelegen ummetrent by Groningen, by namen Hunsigerland, Fivergeland, Reyderland, Oldeampt, Vredewolt, Langewolt unde Hummerlerland Scholen alle vry wesen en yewelk uppe dat syn van aller­leye walt. Vortmer Scholen de balyen van Groninge, de de in desser veyde ute Groningen vorbannen synt, buten Groninge bliven, id en sy dat se myt rechte ofte myt mynne wedder inkomen mögen, aver ere erve und gude Scholen en volgen. Vortmer schal juncher Ocke van den Broke entberen al des em in desser veyde aftgewunnen is, behalven dat land to Broke unde wes he vorder lieft in den landen, de em atfgewunnen synt edder in anderen landen, dat syn rechte erven is, id sy