278

1425. November 18.

stichtes na rade vulborde unde bede der ersamen heren des capittels unser kercken unde der ersamen borgermestere unde radmanne der stad to Bremen, unser leven andechtigen, dat wij umme rechtverdicheit sekercheit vurderinge unde untholdinge des gliemeenen eopmans unde al derjenner, se sin vrouwen edder man, se sin to vote, to perde, to wagene, to karen, we ofte wo se sin, de de Straten tom Lang­wedele sokende werden, hebben deglier unde all afgesat unde afgedan unde don aft in dessem breve sunder argelist allerleye angst vare walt afsettmge ummestortinghe grundroringe, wo racii dat nomen will, nemende neue not offte overval mer darumme to hebbene; unde wij, unse nakomelinge, unse amptlude ofte we van unser ofte erer wegene en schullen nemende, de de Straten tom Langwedele vorbenomd soken, gud noch gelt nenerleye wis, vorbiddegelt, dingkgelt, mandgelt ofte anders, wodannewys men dat nomen will ofte mach, edder nenerleye gave mit vorsaete afdringhen af- esschen afnouwen, ok nerghen mede beenghen hindern oft letten. Schude desset dar hir enboven van weine, so mach dat de rad to Bremen den amptluden tom Langwedele drivolt afmanen sunder unsen unde unser nakomelinge ovelen mot unde weddersprake. Men wij, unse nakomelinge unde amptlude darsulfs tom Lang­wedele schullen unde willen de jenne, de de vorscreven strate dor den Langwedele soken ut unde to hus, gunstich wesen vorderlik, vordegedingen unde beschermen mit den besten, dat wij moghen. Aver were, dat dar we wes brachte, dat wij ofte unse amptlude to des slotes behoff bedroften, dat schal men uns don to kope, dat schole wij dem coppmanne to siner noghe mit redem gelde betalen, alse dat to Bremen gulde. To betuginge desser vorscreven stucke so hebben wi Nicolaus ertze- biscob vorben. unse ingesegell hengen heten to dessem breve. Unde wij deken unde capittel der vorgenanten kercken to Bremen to mereren betuchnisse unde vaster bestantnisse desser vorscreven stucke hebben unses capittels ingesegel mede gehangen to dessem breve. Gegeven na godes bort dusent jar verhundert darna in deme viff unde twintigesten jare, des achteden dages sunte Mertens des hilgen biscobs unde mer tel eres.

') Nach dem Original in Treue Bf. An roth- und grünseidenen Fäden die Siegeldes Erzbischofs und des Capitels. Auf der Rückseite von ehvas späterer Hand: Nycolaus up den Langwedel nemende to beschedeghen. Copie im Privilegiar. p. 213. Hiernach gedruckt bei Cassel, TJngedr. Urkk. p. 154.