276

1425. November 15.

Nr. 257.

Der Rath von Lübeck mahnt Bremen um, eine Antwort auf das frühere Schreiben in der

Angelegenheit des Herbard Ducket.

15. November 1425. *)

Prudentibus et discretis viris, dominis proconsulibus et consulibus civitatis Bremensis,

amicis nostris dilectis.

Unsen vrundliken grut trade wes wy gudes vormogen tovoren. Leven be- sunderen vrunde. Alse gi wol weten, dat jw de stcdc, de latest bynnen unser stad to dage vorgaddert weren, screven van des ersamen hern Herbordes Duckeis wegen, juwes rades borgermeysters, des gi uns juwe antword darvan overlang wol mochten wedder benaled hebben, uppe dat wy dat den vorscrevenen Steden vort mochten geschicked hebben, also hebben uns de vorscrevenen stede dar nu umme gescreven, sik sere wunderende, dat en van juwer wegen in der vorgeroreden zake noch nyn antword geworden en is, unde menen lichte etlike, dat wy jw den breff an jw van en darvan gescreven vormyddest vorsumenisse nicht gesand en hebben. Worumme, guden vrunde, wy noch begeren, dat gi uns des bi dessen boden juwe unvortogerde antworde scriven, uppe dat wij dat den Steden, de dat mede anrored, vort benalen mögen. Ok, gude vrunde, hadde uns wol redelik unde lympelik ducht sin, unde ok jo des werdes wol, dat gi de stede so lange nicht en hadden sunder antword gelaten. Sijt gode bevolen. Screven ander unser stad secret, des donredages vor sunte Elisabeth dage, anno XXV.

Consules Lubicenses.

') Aus dem Urkdb. der Stadt Lübeck VI Nr. 704; nach dem Conce.pt.

Nr. 258.

Der Rath von Bremen bittet Lübeck abermals, zu entschuldigen, dass er bei fortdauernder Abwesenheit mehrerer Rathsmitglieder eine Erklärung in der Angelegenheit des Herbord Ducket noch nicht geben könne.

(Nach November 15) 1425. *)

Unsen fruntligen grut unde wes wy gudes vormogen tovoren. Ersamen sun- dergen f'runde. So gi uns gescreven hebt, dat juw unde den Steden, den dat mede