220
1422. Deccmher 14.
mit syner tobehoringhe zo langhe alze eme dat even unde bequeme ys, wanner lie aver dat verbaten wyl, zo schal he dat den büwmesteren sunte Stephans kerken unde den murmesteren beyder stadmuren vorben. eyn jar tovoren tosegghen, unde zo scholet de buwmester der kerken sunte Stephan unde de murmestere beyder muren unsser stad eme unde syner husfrouwen alle jar gheven rente lyfftucht verteyn Bremer mark, de helffte to allen passchen unde de anderen helffte to allen sunte Michaelis daghen to betalende. Wer ock, dat Volquyn storve er syner husfrouwen vorben., zo Scholen de vorben. buwmestere unde murmestere syner husfrouwen van den verteyn Bremer mark gheven alle jar rente lyfftucht teyn Bremer mark, to betalende to all sulken tyden alze vorscreven ys, all de wyle dat ze levet. Wanner ock Volquyn unde syn husfrouwe vorben. dot synt, zo schal de vorben. rente lyfftucht mede dot wezen unde dat tegelhus myt syner rechtichevt unde tobehoringhe vorben. to den buwen erghenant blyven. Wer ock zake, dat de buwmestere der kerken to sunte Stephan unsse borghere nicht en weren, zo moghen de murmester to beyden muren vorben. gheven dertich Bremer mark to dem buwe to sunte Stephans kerken unde zo schal dat tegelhus myt syner tobehoringhe vorscr. allene komen to den buwe der twyer muren unsser stad vorscr. Ock zo ys dar eyn stucke landes unde ys dat negeste to dykewart by der Marquardesschen laut int norden, dar de heren van sunte Stephan den vorben. Volquyn mede beleynt hebben, to brukende de wyle dat he levet 2 ), des moghen ock de buwmestere unde murmestere vorben. bruken, wan dat tegelhus to en komet, dewyle dat Volquyn levet, wan he aver dot ys, zo schal dat wedderkomen to den heren van sunte; Stephan vorben. Unde dat stucke landes, dat de buwmestere der kerken sunte Stephan to dem tegelhus vorben. ghegheven hebben, dat hebben ze dan van der sulven kerken weghene myt wyllen unde wulbort des gantzen kerspels. To tughe hebbe wy Detward van der Hude unde Johan Vasmer borgermestere, Herman van Gropelingbe, Johan van Leze, Johan Vreze, Bernd Pryndeney, Johan van Hasberghen, Hinrik van der Hude, Barner van Arsten, Johan Wulff, Johan Boller unde Gherd van Varle, raedmanne to Bremen, unsser stat ingesegel gehanghen to dessen breve. Datum anno domini M CCCC XXH, crastino Lucie,
') Nach dem in doppelter Ausfertigung vorhandenen Original in Treue Bh. An beiden hängt das grosse Stadtsiegel. Auf der Rückseite des einen steht von einer etwas jüngeren Hand: Dat Volken syn tegelhus geven hefft to beyden muren unde der kerken sunte Steffan, auf der des andern: Uppe tegelhus unde land.
-) S. die Urk. vom 16. Juli 1411, oben Nr. 12.