Druckschrift 
Bd. 5 (1902) [Urkunden von 1411 - 1433]
Entstehung
Seite
59
Einzelbild herunterladen
 

1414. Juni 7.

59

Nr. 58.

Erzbischof Johann verpfändet seinem Vogt in Thedinghausen, Ludehe von Stade, den Stiftshof in Habenhausen, der in Bürgerhand gekommen war.

7. Juni 1414. J )

Wy Johan. van gotles gnaden unde des stoles to Ilome ertzebischop der hilghen kerken to Bremen bekennet unde betughet in dessein breve, dat wy hebbet ghezatet unde zettet vor en pand Ludiken van Stade, unsem vogbede to Tedding­husen, sinen rechten erven unde we dessen bref heft zunder ere weddersprake, unsen hoff to Habenhusen, de unses stichtes is, dar umme dat he in borgher hant ghekomen was, de ene to erfeghen wolden myd zulfwolt hebben beholden" unde also van unsem stiebte wolden ghebracht hebben, den nu to tyden buwet Tolike unde Ghebeke sin husvrowe, den hof myd aller rechticheyt in ackere, in weyde, in wischen, in watere unde vort myd aller rechticheyt, dar de hoff recht ane heft, vor druttich Bremer mark, also in Bremen vor der wesle ghinghe und gheve sind, de uns to willen wal betalet sind. Unde wy unde unse nakomelinghe scholet unde willet dessem vorscr. Ludiken, zinen erven unde we dessen bref heft zunder ere weddersprake, desses vorscr. ghudes rechte warende wezen, wanne unde wor unde wo dicke en des not is unde zee dat van uns eschende zint. Unde wy unde unse nakomelinghe en schullet edder en willet dessen vorscr. Ludiken edder synen erven ofte we dessen bref heft zunder ere weddersprake, nynerleye hindernisse edder vordreet don edder don laten an dessem vorscr. ghude, dar wy dat keren a ) kunt, wy en hebben en desse druttich mark betalet to erem willen. Were aver, dat wy vorscr. bischop Johan edder unse nakomelinghe unse ghüt wedder hebben wolden, edder Ludike vorscr., sine erven, edder we dessen breff heft zunder ere wedder­sprake, ere ghelt wedder hebben wolden, dat schal unser en deine anderen kundighen edder kundighen laten in syne wonynghe ofte jeghenwardicheyt in den hilghen twolf nachten to wynachten, unde Scholen en den ere ghelt gheven uppe zunte Feters dach darna alse he up den stol ghezettet wart. Alle desse vorscr. stucke unde articule love wy bischop Johan vor uns unde unse nakomelinghe Ludiken vorscr., zinen erven unde we dessen bref heft sunder ere weddersprake, in gliuden truwen stede unde vast to holdende sunder arghelist, unde hebbet des to tughe

a ) Orig. keret.

8*