fol.384v a.1435

d Anno 1435 wolde Focko Uken de Fresen na synem gefallen dwingen, und gedachte here tho werden aver gantz Freslandt, so geschach idt dat he tho °Remels quam by Uplengen, unnd wolde de jennen, de ohme entiegen weren, fangen, desulven averst hadden den torne ingenamen, und vele grote d stene darup gedragen, dar se sich mede wehreden, und den d windelstein aflopen leten, dat nemandt to en up den d torne dorfte, also moste d Focko wedder aftehen. °Alse he nu wege was, quemen disse luide wedder vam torne, und spreken mit den nabern in Moremer landt, und vorbunden sich tosamende jegen Focken, beworven sich ock by den c Averledingern, dat se de ock inn ohren vorbunt kregen, c deßgeliken de d uth d Reiderlandt d Emeser landt, und Brockmer lant, de sworen alle heimlich thosamende, dat se d Focken up siner borch to Leer belegern wolden.

Also quemen se up eine bestemmede tidt an by hopen, und brachten ohre spise mede d inn buideln, als d Focke dit up siner borch sach, fragede he de jennen so by ohme stunden, wat dit vor luide

fol.385r a.1435

weren mit den knapsecken, andtworde einer disse knapsecke wurden ohne vordriven, do sprack he wedder, he wolde dusse knapsecke noch eigen maken, wolde mit den mans vormiddage plogen, unnd mit den d wiven namiddage eggen.

c Nu was d Focken borch sehr vaste, mit twen widen und depengraven und einem d walle, derhalven legen de Fresen even lange darvor, deren overste was d Edzart Circena vorgemelt, alse do nicht mehr up der borch to etende was, sonder de knutten van dem flasse mosten eten, do wolde sich Focke geven, den wolden averst de Fresen nicht tho gnaden nemen, sondern allene de andern de up der borch weren, de mochten vam huse gahn, und sovele mede nemen, wat ein ider dregen konde, beth tho einem Marienbilde so dar int feit gesettet was, also gingen se af, de eine droch, dit de ander droch dat, wes ein ider gerne behelt, d under den quam d Focken d frouwe ock gahn, und droch ohren mann Focken ock thom b Marienbilde, dit geven de Fresen na umme der truwheit willen sines wives, also toch he na d Munster, und starf dar.

fol.385v a.1435

Andere seggen, he sy mit einem dechtrage aver den graven, und also wech gekamen, und sy thom 'Damme gestorven, dar he ock begraven liggen schölle.

407