etaMtccfjt Do« 1433.

recht bescriven in alder wise, also hirna bescreven steyt, also alse dat ewychliken scolde bliven to holdende alghelike den armen alse den riken. Also wolde dat yement wedder stan hemeliken edder openbare, dat scol- den weren rike unde arm, myt live unde myt gude. Breke ok yenich man desse recht de in desseme boke stan edder bescreven werden, de mynne- ren edder de mereren, de rike edder de arme, den broke scolen de rad­manne al vorderen, al upnemen, nene gnade don unde nicht weddergheven, unde beden den broke to betalende bynnen verteyn nachten. Men scal yewelken broke betughen vor den radmannen, alse by deme broke be­screven steyt. Ne wolde ok de ghenne de den broke hedde ghedan des nicht enberen, so scolden de tughe vor den radmannen ene vortughen, dar he yeghenwardich were. Desse wilkore unde settinge de scolen unses heren rechte nicht mynneren.

I 3.

Dit is de schickinghe des rades. HIV 144-/ De schickinge des rades schal na desseme daghe wesen uppe acht- undetwintich personen; der scolen wesen ver borgermestere unde verunde- twintich radmanne, also dat en yewelk borgermester schal to sik hebben ses ratmanne, de myt eme gan in den rad to alsulken tiden, alse eme dat boren mach, unde uppe dat de tal der achteundetwintich personen nicht vormynnert en werde in tokomenen tiden, so schal men id holden, alse hirna screven steit. Wanner en radman sterft edder den rad upgift van den verundetwintighen, so schullen de borgermestere unde de radmanne, de to den tiden sitten in den eden, de anderen borgeremestere unde radmanne to sik vorboden up dat radhus des negesten dages wanner de vorstorvene radman begraven is, edder wanner een den rad upghegheven heft, id en were dat id uppe de tid en grot hilghe dach were, ofte dat deme rade al- sulke grote sake anliggende weren, dat se des van unleddicheit wegene nicht don en konden, so moghet se dat lengen to achte dagen unde lengher nicht; unde wanner se aldus vorbodet werdet, so scal en iewelk ratman bi sinen ede komen uppe dat rathus, alse verne alse he to hus sy edder also stark dat he dar komen moghe. So scal en iewelk borgermester myt synen radheren enen van en loten, also dat der gheloteden vere werden; den veren scal men desset statutum lesen; wanner en dat ghelesen is, so schul­len se ere vingere dar up leggen unde sweren, dat se alle desse articule holden willen unde den kore also enden, alse hirna screven steyt, dat en god so helpe unde de hilleghen. So scal men se van stunden an besluten dar en bynnen, dar de rad plecht to sittene, dar schullen se kesen bi der sunnen enen in des doden edder in des ghennen stede, de den rad heft upgegeven, den aldernuttesten unde besten, den se weten in der gantsen 58 V 5 stad; utghesproken nicht to kesen de vader unde sone, twe brodere, twyer brodere kindere, twyer sustere kindere, sustere kindere unde

13. St©. 32ff. 33gl.352lrkV 1, 2, 4—6, 8, 10, 11 unb 13.

202