etabtrcd)t tum 1428.

I 10.

Men ne scal des Stades weyde nicht engen. Nement scal des Stades weyde engen, noch mit schunen, noch mit 21 III 13 garden, noch mit nenen dingen, id ne were, dat men graven grove, dar men de weyde mede beterede unde mede vestede. So we dit breke, de scolde der stad geven vyf mark; unde scolde dat wedder wech don binnen den neghesten achte daghen de men dat eme buth. Dede he des noch nicht, so scolde he echt gheven der stad vyf marck.

I 11.

Van holte to leggende uppe de slacht. Nement scal leggen holt uppe de slacht unde uppe den werf boven 31 III 10 der tivere buten der muren. Leghedet dar yement, wanne dat de radmanne voresscheden, so scolet se eme dat beden, dat he it afbringe binnen dren daghen; en dede he des nicht, so scolden de radmanne nemen to des Stades behuf, watte se dar uppe vunden.

I 12.

Van berneholte to kopende. Nement scal kopen berneholt, dat he vort vorkopen wille, he ne bringe 21 III 12 id van buten in mit scepen edder mith vloten; unde dat schal he vorkopen, eer he dat in de vine legge. We dit breke, wurde he des vortughet mit tween borgheren umbesproken eres rechtes, de scal dat holt vorloren hebben edder dat gheld, dat he darmede koft heft.

I 13.

Van kopende buten den doren unser stad. Nement scal kopen buten den doren unser stad, edder buten sunte 2t III 26 Steffens doren, edder buten der hameyden der brugge, so watte uppe wagenen kumpt, edder uppe perden voret, edder dreghet, edder drift. We dit breket, wert he des vortughet mit twen borgheren umbesproken eres rechtes, de scolde gheven der stad ene marck.

I 14.

Van eken mit holte to ladende. Nen borgher scal eken laden mit holte, de beneden de hunte gan. Wslk 2t III 23 man dit breke, wurde he des vortughet mit twen borgheren umbesproken eres rechtes, de scolde gheven der stad vif marck.

110. 23i 6. 30. 23gl. G 2lrf. I 63.

111. 25!©.30. gefeit G.

112. 33! ©. 30. 23gt. G 2trf. I 73.

113. 25i CS. 31. gefeit G.

114. 23i 6. 31. gefeit G.

143