eiabitcdit »Ott 1303/08.

richte vor mines herren voghet, unde nemen dhar beteringhe umme sine honet ofte sine seret na dhes Stades rechte, unde spreken dar, dhat he mitter beteringhe got vrent wille wesen thes ghenen the ene honet ofte seret hevet, dhen ne scal me nicht leggen. Wared oc also, dhat sie dhesse twe althus nicht vorevenen ne mochten, so scal men se to ghisele leggen, doch also, dhat the ghene the honet ofte sered is allene ligge, unde the ene honet hevet ofte sered mit sie anderen the eme the nagheste si, unde the scolen liggen enen manet, doch also dat mallic kese to leghere binnen sinen hus ofte buten binnen Bremen, wor he leveste wil. Kunnen se sie nicht vorevenen binnen theme manethe, so scal me mallike enen to leggen the eme the nagheste si, echt ene maneth. So wanne the umme comen is, kunnen se sie noch nicht vor­evenen, so scal me echt er ieweliken enen to leggen the eme the nagheste si, unde the scolen dhen also lange liggen, wante se sie vorevenen. So we oc thesse settinghe brect, unde also dicke also he se brect, also dicke scal he gheven twintich pund, wert he thes vor- tucht mit twen svorenen. Dhe ratmanne scolen oc, so wanne se aldhus dane schelinghe vreschet twischen eren borgheren, besenden eres naghesten maghe dhen dhat legher boren mach, unde beden malliken bi twintich punden, dhat se van Bremen nicht ne Scheden, er the schele vorevenet si. Sint oc the me to leggen scal like na van vader unde van moder, so scolen the van thes vader weghene sint liggen unde the eldesten, unde mallic scal io old wesen twintich iar ofte dhar boven. Wurde dhar oc schele an dheme oldere, dhat scolde stan uppe dhes vader unde ther moder eyth. Ne wäre thar oc noch vader noch moder, so scolet stan uppe ther naghesten vrund eyth. Is id oc also dhat der maghe umbrect bi ther enen side, er scal umbreken bi ther anderen. Wäret oc also dhat thesse schele binnen enen halven iare nicht vorevenet ne wurde, so scolen the ratmanne unde the oldermanne dhat vorevenen bi eren edhe, so se likest moghet.j Ne conden oc the ratmanne unde the oldermanne ther eveninghe nicht over en teen, so scolden se ut iewelkem verdel besenden ver man, the oldesten unde the wisesten the to rade pleghet to ganden, the scolen then rat­mannen unde then oldermannen the schelinge helpen vorevenen, alse

[ju I 2] 8 mines 21,, uses 21 2 . voghet 21,, richte 2I 2 . 11 leggen 21,, inleghen 2I 2 . 11/12 sie dhesse twe 21,, desse twe sie 2l 2 . 22 oc 21,, fehlt 2I 2 . 41 alse 2t,, so se 2l 2 .

41