1406. August 24.
461
Ok liebbe wy uns des vordreghen, wente wy unsen vicariesen sees m'arck to wynpennyghen moten gheven, alzo wy erst tolaten werdet van dem capittle to unsen provenden edder anderen lenen in unser kercken, so scholet zee uns ok wedder gheven vyf Bremer marck by enen mände, alze zee van uns tolaten werdet to eren vicarien, to bulpe der kercken schult to betalende, unde scholet dat sweren alzo to holdene. Weret aver, dat unser heren welk sulven lenede syne vicarie ordinarie, wel deyenne, deme de vicarie ordinarie lenet ys unde in possessume ys, bydden umme gnade na siner betalinghe der vorscrevenen teyn ghuldene, deme schole wy unde willet gnade doen myd der helfte, so dat wy om willet umme günst willen vyff güldene wedder gheven van stunt an. Wörde om ok de vicarie affghewunnen per impetrantes, so dat he se lete, zo wolde wy om syne vyff güldene weddergheven van den teynen, de de impetrans utgheve. Ok scholet zee sveren dem stiebte der kercken to Bremen unde dem capittele truwe to wesende in allen stucken. Weret ok, dat uns welk vicarins vorhardede unde nicht don en wolde, alze vorscreven ys, deme en scholde unser nemende edder van den, de umme unsen willen doen wolden, neen gnade scheen vruntschop edder vorder, men de scholde uns allen unde enen yewelliken unvruntlik wesen lik unse vyent. Des ghelik scholde uns ok deyenne wesen, de on edder sine zake edder gud teghen uns vordeyde edder vorbede, so langhe dat he uns syne plicht ghedaen hedde.
Dat wy dyt aldus holden willen na unser macht, dat hebbe wy ghewille- koret by unsen eden, unde hebbet wy vorscreven unse ingheseghele ghehenget to dissem breve. Unde wo dicke welk doemhere tolaten wert to syner provende, de schal disse vorscrevenen stucke tovorn wilkoren by synen eden, unde beseghelen in synen sunderliken brevem Unde wy Johan ertzebischop van godes gnaden der hilghen kercken to Bremen bekennet in dissim sulven breve, dat al disse vorscrevenen stucke myd unsem willen unde vulborde gheschen synd unde dat wy yd ok alzo ghelik unsem capittele holden willen. Des to bekantnisse hebbe wy ok unse ingheseghel ghehanghen to dissem breve. Datum anno domini millesimo quadringentesimo sexto, ipso die beati Bartholomei apostoli.
*) Nach dem Original im k. Archive zu Hannover Nr. 1649. Von den angehängten acht Siegeln ist nur ein Bruchstück des siebenten erhalten.