1406. Juli 13.

455

Nr. 348.

Der Bath zu Bremen ersticht den Hochmeister Konrad von Jungingen um Aufhebung des in Preussen auf einen Bremischen Koggen gelegten Arrestes.

13. Juli (1406). l )

Unsen vruntliken denst tovoren myt guden willen to aller beheghelicheit. Grossmeclitige leve here unde bysundere gude vrund. Vor uns is gewesen schipper Otto Lange nnde hefft uns cleglielike berichtet, wo de vissmester van der Scharpouw eme behindert unde rasteert hebbe in Prucen enen koggen, den schipper Dideryc Grube gevoret hadde, dem he in Vlanderen äff koffte dat verde part des schepes, unde were myt der selschup willen, dat Otto den koggen voren scholde, unde sy dar umme rasteert, dat üideric Grube vorenompt entfangen hadde uppe den koggen 1Y2 hast Stores, de nicht en sy gecomen in den market, dar he wesen scholde. Dar de sulve Dideric Grube to antwordet, dat he to wintere leghe myt dem koggen, geladen myt heringe in Norwegene to Mastrande, unde dar weren do twe hollyke vorgan. Des quemen to eine in hilghen kerstes avende de schipheren unde koplude unde beden, dat he wolde yn nemen 1 1 / 2 last Stores unde twe bodeme wasses, de horde enen to, de heet Nycolaus, de were des vissmesters selschup unde scholde em dar vore geven seven nobelen to vracht, dat he dede umme erer bede willen. Do see quemen yn de zee, künden see van stonne nicht komen in Holland, Zeland edder Vlanderlant, men see quemen in de Seyne. Dar entfeng Nycolaus synen stor unde was unde künde eme de vracht do nicht betalen, men he geve eme enen breff an synen wert to Danzike, de scholde eme geven seven Prusesche mark van syner wegene, des nicht en sy gescheen. Ok hebbe Nycolaus myt eme gheten unde drunken over de zee, dar he nicht vore geven hebbe, unde dede eme dar en boven enen halven vranken. War umme wy yuwe grossmechticheit bidden myt allem vlyte, dat gy yd willen so bestellen unde dar to richten, dat de kogge werde untset unde quijt van der rasteringe unde hindernisse unde den schipheren de vracht betalet unde mogeliken vor den schaden wedder vare, jü dar an bewysende, also gy wolden, dat wy don scholden, offt yd derN, yuwen were also myt uns gewant, des wy yuwer grossmechticheit wal beloven. Dat wille wy gerne vordenen, wor syck dat gheboret unde biddet des yuwe vruntliken antwerde wedder. Screven uppe sunte Margareten dage, under unser stad secret.

Consules

. . . Bremensis. civitatis

Aufschrift: Den grossmechtighen heren hern Curde van Jungingen, homosterc des Dutsschen orden van Prucen, unsen bysundern beven heren unde guden vrunde gescreven.

') Nach dem Original auf Papier im Königl. Preuss. Staatsarchiv zu Königsberg ijPr. Mit Spuren des auf der Rückseite aufgedrückten briefschliessenden Secrets. Mitgetheilt vom Archivrath Philippi.