296

1398. December 13.

loten, alzo dat der gheloteden vere werden. Den veren schal men desset statutum lezen. Wanner en dat ghelezen is, so schullen zee ere vinghere darup legglien unde zweren, dat zee alle desse articule holden willen unde den kore alzo enden, alzo hirna screven steyt, dat en god zo helpe unde de hilghen. So schal men zee van stunden an besluten darenbynnen, dar de rad plecht to zittene. Dar schullen zee kezen by der sunnen enen in des doden edder in desghenneii stede, de den

%J D 7

rad lieft upghegheven, den aller nüttesten unde besten, den zee weten in der gantzen stad. ük en schullen zee neinende to zieh komen laten, eer zee ghekoren hebbet, behalven den oversten boden, ofte zee des wortho behoven, unde den en schal erer neen besunderen spreken edder bezunderen sich wedder spreken laten, de anderen dre en zyn dar jeghenwardich by, de rede mede to hörende. Unde wanner de vere aldus tozamende komen zynd, were dat ze sich den in deme kore nicht vordreghen konden, wes den de dre vordreghet, dat schal de veerde vulborden. Were ok, dat twe uppe enen koren unde de anderen twe malk uppe enen koren, so schullet de twe, de sich vordreghet, den kore beholden. Were ok, dat de twe enen koren unde de anderen twe enen anderen koren unde sich dar nicht an vordreghen en konden by der sunnen eder in der tokomende nacht, so schal men en des morghens enen toloten ute der gantzen witticheyt, de schal zweren uppe dyt statutum, alzo de vere hebbet ghedän: welkere eme den de nütteste unde de beste dunket wezen van den vorrameden in den kore, de schal radman blyven. Desghelik schal men ok doli, oft de vere en jewelich uppe enen kore, dat men en den ok enen tolote ute der gantzen witticheyt, de schal aver zweren unde dön, alze vore screven is, unde myt welkeren he zynen vulbord gift, de schal den kore beholden. Unde hir schullen de borghermestere unde de radmanne, de in den ede sittet, de witticheyt to vorboden in aller wyze alze vorscreven is. Unde ghenne, de to radmanne werd ghekoren, de schal in den ersten twen jaren, wanne he zyd in dem rade, kemerer wezen des borgerineysters unde des rades, dar eine mede tho zittene bored. Unde schal echte unde rechte und vryg gheboren wezen unde nicht wastynsich unde schal veer unde twintich jar olt wezen edder darenboven, ok schal he hebben bynnen Bremen eghens erves, dat yd wert zy hundert mark ofte darenboven, unde schal der stad to Bremen inlozen edder kopen ene mark gheldes, de schal he unde zyne erven wedder up- boren alzo mennich jar, alze he mennighe mark darvore gheven lieft, unde schal gheven veer mark to der stad mären bynnen deme ersten mände, alze he ghekoren is. Darna schal he bynnen dem ersten jare, alze he in den rad to zittene kumpt, der gantzen witticheyt, de to rade gät, enen denst dun, darto des rades scryvere unde eren boden unde deneren, de de rad plecht to kledene unde anders neinende. Ok en schal he nenerleye koste don vore eder na van denstes weghene, men alze hir vore screven is, behalven des avendes, alze des morghens de rad myt eme gheten lieft,