1398. November 30.
29 S
ziner magliet unde Herbordeze vorbenant, desse vorscreven rente nicht vorschoten en dorven, de wyle ze levet. Desset to tughe liebbe wy Frederik van Walle borghermester, Hinrik Prindeney, Bernd Merk, Clawes Zeelsleger, Johan van Leze, Hinrik Duckel, Detward Hadermisse, Johan Hemeling de junghere, Ghert Corneghel, Clawes Groning unde Ghert van Dettenhnzen, ratmanne to Bremen, uuzer stad inghezeghel ghehangen to dessen breve. Datum anno domini M° CCC° XCVIIP, ipso die beati Andree apostoli.
x ) Nach dem Original in Trese Br,in doppelter Ausfertigung vorhanden; an beiden hängt das Siegel der Stadt.
No. 227.
Gesetz, betreffend die Wahl der Railimänner und Bürgermeister.
13. December 1398. r )
t A _ O
In nomine domini amen. Do na ghodes bord weren gheghan M CCO XC VIII jar, darna to sunte Lucien daghe worde wy borghermestere und radmanne to Bremen myt der gantzen witticheyt endracktliken umme mennigherleye nütticheyt unser stad des to rade, dat wy de dre schickinge des rades, den wy hebbet ghehat wente in desse jeghenwardighe tiid, hebbet ghemynnert unde ghezeth uppe veer undetwintich personell. Der Scholen vere borgermestere wezen unde twintich radmanne, in desser wyze dat en jewelich borgermester viff radmanne to sich hebben schal, de myt eme gan in den rad to alzulken t3'den, alzo eme dat boren mach. Unde uppe dat de tal der veer unde twintich personell nicht vormynnert en werde in tokomenden tyden, so schal men id holden in der wyze, alze hirna screven steyt. Wanner en radman sterft edder den rad upgift van den twintichen, so schullen de borghermestere unde de radmanne, de to den tyden zitten in den eden, de anderen borgermestere unde radmanne to sich vorboden uppe dat radhus des neghesten daghes, wanne de vorstürvene radman begraven is, edder wanne een den rad upghegheven lieft, id en were dat id uppe de tyd en grot hilghe dach were, ofte dat deme rade alzulke grote zake anligghende weren, dat ze des van unledicheyt weghene nicht don en konden, so moghet zee dat lengheii to achte daghen unde lengh nicht. Unde wanner se aldus vorbodet werdet, zo schal en jewelich radman by zynen ede komen uppe dat rathus, alze vere alze he to hus zy, edder alzo stark, dat he dar komen moghe. So schal en jewelich borgermester myt zynen radheren enen van en