176

1391. October 4.

und lande, den roff, brand eder schaden schal de jenne, de one gedan heft eder van siner wegene gedan laten heft, weder don ane ede sunder vortoch na beholdinge myt sinem ede des ghennen, de den roff, brand eder schaden geleden heft. Were ok, dat de ghenne, de den roff, brand ofte schaden gedan heft eder gedan laten heft, nicht wedder don ne wolde, also hir vorgescreven steyt, so schal sin here sik sines und alle sines ghodes underwinden van Staden an und den roff, brand und schaden darvan weder don, also verne alse yd wäret, sunder borchleehn, des scholet sik sine borchnoten underwinden und eine des nicht bruken laten to yenigeideye nod eder bequemicheyt, de vorscrevene schade en sy weder dan, in aller wyse alse hir vorscreven is. Und de borchnoten des stichtes to Bremen Scholen uns ertze- bysschope, bysschope, cappittele und Steden vorscreven des wys wesen, dat wy des wol vurwaret sin. Were ok, dat dem jennen duchte, de den schaden gedan eder dan laten heft, dat de schade, de he holden wolde, unredelik were, wes de jenne,, de den schaden gheleden heft, den bewysen mochte myt vieren sinen naburen myt erem rechte vor sinem heren, dar schal yd by bliven. Wörde ok en gheystlik man, kopman, pelegryme eder anders we, man ofte vrowe, gerovet ofte beschedeget in dessen vorgescrevenen stichten eder lande, wes de jenne, de gerovet eder beschedeget ys, in den hilgen holden wel, dat schal de jenne, de ene gherovet eder beschedeget heft, eme weder don. Duchte aver deme heren des landes, dar de roff eder de schade gesehen ys, dat de schade, den he holden wolde, unredelik were, so schal he darup bewysinge bringen van der stad, wicbelde, slote eder stede,. dar he wonet, oft he kan, eder bringen opene bezeghelde breve, dat he de man sy in gude und van handelinge, dat he also vele ghodes möge vorloren hebben und sinen, ede des to lovende sta, also he in den hilgen holden wyl, und dar schal yd by blyven. Wörde ok we begrepen uppe hanthaftiger daet, dat schal men richten alse recht ys. Ok en schal nement witliken de jenne, de den roff, brand ofte schaden openbare gedan hebbet, hegen huzen entholden noch vordem hemeliken eder openbare, were dat yd we dede, de schal yt betern gelik den sakewolden, yd en t were, dat he des jennen mechtich were, de den rof, brand ofte schaden gedan heft,. dat he ene weder do, alse hir vorscreven steyt. Wörde ok we bewanet ofte betegen uinme rof, brand eder schaden und worde darumme beclaget, de mach sik entladen myt twen unberuchteden luden. Were ok, dat erer welk, de in dessen vorscrevenen. stichten und lande wonet, buten dessen vorscrevenen stichten und lande rede andern, heren ofte frunden an reysen, und beschedegheden se sik dar buten dessen vorscrevenen stichten und lande underlang, dar en schal desse bref unvorbroken mede wesen. Alle desse vorscrevenen stucke und erer en jewelik besunder love wy vorscrevene ertzebysschop, bysschop, hertogen, cappittel und stede in guden truwen\