etobltcijt tomt 1433.
rekenschup van don twischen hir unde sunte Iohannes daghe vor screven. Vortmer segge wi schedeslude vorbenompt dat de rad, de nu bestedighet wert myt todaet der menheit der stad, beide boke, olt unde nyge, overseen unde de in een bok bringhen, alse dat nuttest unde best vor de menheit unde stad van Bremen is. Vortmer segge wy schedeslude dat de menheit, kopman unde ampte bi eren olden lof- liken seden, wonheit, vriheit unde rechte io bliven Scholen unde dar nerghene ane gheenghet werden. Vortmer segge wy schedeslude, were dat yemend wolde saken uppe de richte, de van der eendracht ghe- schen synd, dat schal de rad mit der menheyt samptliken vordege- dinghen unde wedderstan van der stad menen guden. Vortmer segge wi schedeslude vorbenomet, dat de schade, koste unde teringhe, de beide del ghedaen unde ghenomen hebben, Scholen se sik under en ander helpen dreghen lefliken, dat se an beyden tziden truweliken, sunder list unde hulpe rede vornoghet werden. Vortmer segge wy schedeslude vorbenomet, were ok yemend, de nu tor tyd nicht to hus edder hir nicht ieghenwardich were, de scholde bynnen den neghesten achte dagen na dem, dat he to hus kumpt, unde hir nicht yegenwardich were, bynnen dessen ersten achte daghen na dessem utsprake komen vor den rad unde loven unde sweren, alle desse vorscreven stucke unde articule to holdene in aller mate, alse de rad unde de gantse menheit de ghelovet unde ghesworen hebben. Were aver dat he deme so nicht en dede unde des vorbleve unde sulf sevede des vortugei worde, so vor screven steit, dat scholde de rad richten in syn hogheste. Vortmer segge wy schedeslude vorbenompt, uppe dat dat desse vor- screvenen stucke unde articule to ewigen tiden unvorbroken gheholden werden, dat de olde rad unde de nyge unde de gantse menheit Scholen loven unde sweren, dat se desse vorscrevene stucke, unde en yewelk besunderen, stede unde vast,.sunder intoch edder hulpe rede holden willen; unde weret dat iemen, he were vrowe ofte man, de desse vorscrevene stucke, edder welk van en, myt worden edder myt wercken breke edder wedderqueme unde des vortughet wurde, so vor gescreven is, den schal de rad richten in syn hogeste. Queme he aver enwech, so schal de rad sik holden in syn gud, id sy bewechlik edder unbe- wechlik. Ok en schal he in deme stichte van Bremen unde in nener hensestad velich wesen edder gheleyde hebben, unde wor men ene vint unde anqueme, so schal me en vor enen meneder richten. Desses
200