afgeferdiget, konden se nicht ohnen nicht vordencken, twivelden ock vor ohre personen nicht, dat solckes, und wat se hirbevorn in den dingen vorgenamen und gehandelt, christlich und wol gemeint, wolden ock nicht underlaten alle dat jennige wes se angebracht, und ohnen in Schriften avergeven, oren gnedigsten und gnedigen

pag.511 a.1563

hern to referern und in tobringen, der thovorsicht, desulven wurden solckes der Romischen keiserlichen majestet ferner aversenden, und hirinne alles dat don und vorrichten, wat ohnen luth der commission geboeren wolde, dewile es den ann deme, dat de keiserliche commission disser handeling ohre mate geve, wat, unnd wo ferne men in der sake handelen unnd fortfaren scholde, und sich nicht geboren wolde (als se vornuftichlick to erachtende ock sulvest gemeldet hedden) dat der keiserlichen majestet jenige mate gesettet und gestellet werden scholde, so wurde men se nicht vordencken, dat se sich dersulven Instruction na, vorhielden, weren averst erbodich, vormoge und inholt bemelter keiserlichen commission de stridige unnd irrigen saken der Stadt Bremen, mit den uthgeweken rathmannen und borgern, vor de handt tho nemen, und an allem minschlichem mogelickem flite, de hochbeschwerlichen und ärgerliche twispalt, sovele mogelick, up toheven, unnd se christlick under einander tho vorliken, nichtes erwinden laten.

d Hirup des kreitzes gesandten wedderumb angetoeget, dat es ohrer gnädigster und gnediger her meininge gar nicht were, der keiserlichen majestet hirinne eine mate tho gevende, averst to erholdinge ohrer authoritet und reputation nicht umbgan khonncn, der saken berieht to don, und up den fall alleine (dessen se sich doch gar nicht vorsehen) ohre protestation inwenden moten, und vorhapen sick nochmals, men werde disse handling also vorne-

pag.512 a.1563

men und anstellen, dat des kreitzes autoritet darunder nicht vorgeten wurde, horden ock gern dat se gutliche handling twischen den partien vor to nemen, und mogelicken flith to henlegging der hochschedelichen uneinicheit erbodich sin, und wolden so Ichs obren gnedigsten und gnedigen hern geborlich romen und wedder inbringen.

d Den 2.Julii hebben de subdelegerten commissarien de van Bremen beider sits upt rathus bescheiden und ohnen oren hebbenden bevel entdecket, so ock vormanet, dat se sich in orem vordragen bescheidentlick gelimplich, und fredelick vorholden, und ane vorbittering edder schmehing

294