fiimüiac SRuIIc Don ms».

99.

Ock en schall nemant lasse de na unssere leven vrouwen dage der kruthwyghinge gefangen werdenn upphangenn, den en sy tovoren sterdt unnd hoveth gans affgesnedenn by pene eyner marck vann iewelkem lasse, so vakenn dat gescheghe.

100.

Ock kumpt dem rade vor, dat de aHangers na dem vorge- schreven unser levenn vrouwenn dage der kruthwyginge benedden lesse vangen, de de sunder sterdt unde hovet affgesneden werden up- gehangen, dar denne misshegelicheidt unnd gebreck in der kopenschup affkumpt, so will de radt unnd buth, dat de aliangere nyne lesse, de se benedden vanghen, schollen uphangen, sunder se Scholen de groen to dem marckede bringen unnd de unsen borgern vorkopen. Were averst sake se welke lesse so syde venghen, de se io unvorderfft nicht groen to dem marckede bringen konden, dat so bewysslik were, den mögen se sterdt unde hovet affsnyden unde de uphangen. Unde wo de raidt dar iemende anders over befunde, de schall dat der stadt beteren mit euer marck van iewelkem lasse, so vaken dat geschege.

101.

Ock en scal nemant desses yares baven teynn lasse kopen upio- hangenn tho syner behoff, noch de ock vor sess uren dess morghens myt nenen forwordenn beslann, unde dusse lasse vorgescreven scal eyn yslick kopen myt synem eghenenen gelde unde nemande anders to ghude; breke dyt yemanth, dee scal eynen ienwelken lass betheren myt ener marck, so vaken dat gescheghe edder gefunden wurde ge­sehen were.

102.

Ock scal nemanth haken upphangen tho droghende, dhenn en syn thovoren affghesnedenn sterth unnd hoveth gans by ener marck eynes ienwelkenn lasses.

103.

Ok kumpt deme rade by, wie etlike borgere unde inwonere be­nedden up deme wesserstrome negenogen schalen braden unde up­hangen, szo but de rat unde wil, dat ein ieder sick des entholden

99. 3 gans nachgetragen.

102. 2 gans nachgetragen.

103. Cer 2lrtifel ift fpäfer nachgetragen.

287